ಪುಣಾಕ್ಕೆ ಹೋಗೋಲ್ಲ ಕರ್ನಾಟಕದ ಬಸ್! ಮಹಾರಾಷ್ಟ್ರದ ಈ ಬಸ್ಸೇ ಗತಿ! 

ಆಪ್ತ ನ್ಯೂಸ್ ಜೋಯಿಡಾ:

ಜೊಯಿಡಾ ಮುಖಾಂತರ ಕಾರವಾರದಿಂದ ಮಹಾರಾಷ್ಟ್ರದ ಪೂಣಾಕ್ಕೆ ನೂತನವಾಗಿ ಬಸ್ ಸಂಚಾರ ಆರಂಭವಾಗಿದೆ. ಇದರಿಂದಾಗಿ ಜೋಯಿಡಾ, ರಾಮನಗರ ಭಾಗದ ಪ್ರಯಾಣಿಕರಿಗೆ ಅನುಕೂಲವಾಗಲಿದ್ದು, ಜೋಯಿಡಾದ ಸಾರ್ವಜನಿಕರು ಸಂಭ್ರಮ ಆಚರಿಸುತ್ತಿದ್ದಾರೆ.
ಈ ಹಿಂದೆ ಕಾರವಾರ ದಿಂದ ಬಿಡುತ್ತಿದ್ದ ಪಿಂಪ್ರಿ ಬಸ್ ನಿಲ್ಲಿಸಿರುವುದರಿಂದ ಈಗ ಪುಣಾ ಘಟಕದಿಂದ  ಹೊಸ ಬಸ್ ಪ್ರಾರಂಬಿಸಲಾಗಿದೆ. ಈ ಬಸ್ಸು ಬೆಳಿಗ್ಗೆ 9 ಗಂಟೆಗೆ  ಕಾರವಾರದಿಂದ ಹೊರಟು ಬೆಳಿಗ್ಗೆ 11 ಗಂಟೆಗೆ ಜೊಯಿಡಾ ತಲುಪುತ್ತದೆ. 
ಕಾರವಾರದಿಂದ ಜೊಯಿಡಾ, ರಾಮನಗರ, ಬೆಳಗಾವಿ ಮೂಲಕ ಪಿಂಪ್ರಿ-ಪೂಣಾ ತನಕ ಹೋಗುವ ಈ ಬಸ್ಸಿನಿಂದಾಗಿ ಪ್ರಯಾಣಿಕರಿಗೆ ತುಂಬಾ ಅನುಕೂಲ ಆಗಲಿದೆ. ಇಂದು ಪ್ರಾರಂಭವಾದ ಬಸ್ಸಿಗೆ ಜೊಯಿಡಾ ಶಿವಾಜಿ ವೃತ್ತದಲ್ಲಿ ನೂರಾರು ಜನರು ಸೇರಿ  ಗಾವಡೆವಾಡಾ ಗ್ರಾಮದ ಮಿರಾಶಿ ವಿನೋದರವರ ನೇತೃತ್ವದಲ್ಲಿ ಪೂಜೆ ನೆರವೇರಿಸಿದರು.
ಬೆಳಗಾವಿಯಿಂದ ಸಂಜೆ 5 ಗಂಟೆಗೆ ಹೊರವುವ ಈ ಬಸ್ ಜೋಯಿಡಾ ಮಾರ್ಗದ ಮೂಲಕ ಕಾರವಾರ ತನಕ ಸಂಚಾರ ಮಾಡಲಿದೆ. ಸಂಜೆಯ ವೇಳೆ ಸೇವೆ ನೀಡುವ ಈ ಬಸ್ ಇಂದಾಗಿ ಪ್ರಯಾಣಿಕರಿಗೆ ಅನುಕೂಲ ಆಗಲಿದೆ.
ಈ ಸಂದರ್ಭದಲ್ಲಿ ಪ್ರಮುಖರಾದ ವಿನಯ ದೇಸಾಯಿ, ದೇವಿದಾಸ ದೇಸಾಯಿ, ಸುಭಾಷ ವೇಳಿಪ, ರಫಿಕ್ ಖಾಜಿ, ಆನಂದ ಪೋಕಳೆ, ಪ್ರಸನ್ನ ಗಾವಡಾ, ಸಂತೋಷ ಸಾವಂತ, ಮಾಬಳು ಕೂಂಡಲಕರ, ದತ್ತಾರಾಮ ದೇಸಾಯಿ, ದತ್ತಾ ಗಾವಡಾ, ಬಾಬುರಾವ್ ದೇಸಾಯಿ, ದಿವಾಕರ ಕುಂಡಲಕರ ಮುಂತಾದವರು ಇದ್ದರು.