ದೇವರ ಬಂಗಾರ ಕದ್ದವರು ಅಂದರ್

ಆಪ್ತ ನ್ಯೂಸ್ ಶಿರಸಿ:
ಶಿರಸಿ ತಾಲೂಕಿನ ಹುಲೇಕಲ್ ಹಂಚಾರ್ತಾ ಎಂಬಲ್ಲಿ  ಸಪ್ಟೆಂಬರ್ 10ರಂದು ಮಧ್ಯರಾತ್ರಿ 01-15 ಗಂಟೆಯ ಸುಮಾರಿಗೆ  ಚೌಡೇಶ್ವರಿ ದೇವಸ್ಥಾನದ ಸ್ಟೀಲಿನ ಬಾಗಿಲನ್ನು ಕಳ್ಳರು ತೆರೆದು ದೇವರ ಮೂರ್ತಿಯ ಮೇಲಿದ್ದ ಬಂಗಾರ ಮತ್ತು ಬೆಳ್ಳಿಯ ಆಭರಣ ಸೇರಿದಂತೆ ಒಟ್ಟೂ 2.31.400/-ರೂ ಮೌಲ್ಯದ ಆಭರಣಗಳನ್ನು ಹಾಗೂ ಕಾಣಿಕೆ ಹುಂಡಿಯಲ್ಲಿದ್ದ ನಗದು ಹಣ 80,000/-ರೂಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದ ಕಳ್ಳರನ್ನು ಶಿರಸಿ ಗ್ರಾಮೀಣ ಪೊಲೀಸ್ ಠಾಣಾ ಪೊಲೀಸರು ಬಂಧಿಸಿದ್ದಾರೆ.
ಬಾಲಕುಮಾರ ತಂದೆ ವಾಸು ಕೆ, @ ಬಾಲರಾಜು ಸ್ವಾಮಿ, ಅಂತರಗಂಗೆ, ಭದ್ರಾವತಿ ಹಾಲಿ: ಬೆಂಗಳೂರು, ಮಹಮ್ಮದ್ ಅಲಿ ತಂದೆ ಅಲಿಕಾಕಾ @ ಜಯರಾಜ್, ಸಾ|| ಅಂತರಗಂಗೆ, ತಾ: ಭದ್ರಾವತಿ. ಜಿಲ್ಲೆ: ಶಿವಮೊಗ್ಗ ಇವರೇ ದೇವರ ಆಭರಣವನ್ನು ಕಳ್ಳತನ ಮಾಡಿದ್ದರು. ಇವರನ್ನು ಪತ್ತೆ ಮಾಡಿ ವಶಕ್ಕೆ ಪಡೆದು ಆರೋಪಿತರಿಂದ ಸುಮಾರು 1,50,000/- ರೂ ಮೌಲ್ಯದ ಬೆಳ್ಳಿಯ ಆಭರಣ ಹಾಗೂ 60,000/- ರೂ ನಗದು ಹಣ ಜಪ್ತ ಪಡಿಸಿಕೊಂಡು, ಆರೋಪಿತರನ್ನು ಬಂಧಿಸಲಾಗಿದೆ. ಪರಶುರಾಮ ಮಾದೇವ ಶೆಟ್ಟಿ ಎಂಬುವವರು ದೂರು ನೀಡಿದ್ದರು.
DYSP ಗೀತಾ ಪಾಟೀಲ್ ಮಾರ್ಗದರ್ಶನದಲ್ಲಿ, ಪಿಎಸ್ಐಗಳಾದ ಸಂತೋಷ ಕುಮಾರ ಮತ್ತು ಅಶೋಕ ರಾಟೋಡ ಹಾಗೂ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು. SP ದೀಪನ್  ಶ್ಲಾಘಿಸಿದ್ದಾರೆ.