ನವೆಂಬರ್‌ ೨೩ರಂದು ಬೇಡ್ತಿ-ಅಘನಾಶಿನಿ ಕಣಿವೆ ಸಂರಕ್ಷಣೆ- ವೈಜ್ಞಾನಿಕ ವಿಚಾರ ಸಂಕಿರಣ
ಆಪ್ತ ನ್ಯೂಸ್‌ ಶಿರಸಿ
ಬೇಡ್ತಿ-ಅಘನಾಶಿನಿ ಕಣಿವೆ ಸಂರಕ್ಷಣೆ- ವೈಜ್ಞಾನಿಕ ವಿಚಾರ ಸಂಕಿರಣ ನವೆಂಬರ್‌ ೨೩ರಂದು ಶಿರಸಿಯಲ್ಲಿ ನಡೆಯಲಿದೆ. ಈ ಸಂದರ್ಭದಲ್ಲಿ ಈವರೆಗೆ ಹಲವು ಸಂಶೋಧನಾ ಸಂಸ್ಥೆಗಳು ಕೈಗೊಂಡ ಪಶ್ಚಿಮ ಘಟ್ಟದ ಹಲವು ಪರಿಸರ ಅಧ್ಯಯನಗಳ ಬಗ್ಗೆ ವೃಕ್ಷಲಕ್ಷ ಆಂದೋಲನ ಈ ಕೆಳಗೆ ಮಾಹಿತಿ ನೀಡಿದೆ. ಬೆಳಕು ಚೆಲ್ಲಿದೆ.
೧೯೮೦ ರ ದಶಕದಲ್ಲಿ ಶಿರಸಿಯಲ್ಲಿ ಬೇಡ್ತಿ ಅಘನಾಶಿನಿ ಕುರಿತ ರಾಷ್ಟ್ರೀಯ ವಿಚಾರ ಸಂಕಿರಣದ ಫಲವಾಗಿ ನವದೆಹಲಿಯ ಗಾಂಧಿ ಶಾಂತಿ ಪ್ರತಿಷ್ಠಾಪನ Major DAMS A Second Look ಎಂಬ ಪುಸ್ತಕ ಪ್ರಕಟಿಸಿತು. ಈ ವಿಜ್ಞಾನ ಸಮ್ಮೇಳನದಲ್ಲಿ ಡಾ| ಶಿವರಾಮ ಕಾರಂತ, ಡಾ| ಉಲ್ಲಾಸ ಕಾರಂತ, ಡಾ| ವಿಜಯಪರಾಂಜಪೆ, ಡಾ|ಮಾಧವ ಗಾಡ್ಗೀಳ, ಡಾ|ಡಿ.ಕೆ ಸುಬ್ರಹ್ಮಣ್ಯಂ ವಂದನಾ ಶಿವ ಇನ್ನಿತರರು ಪಶ್ಚಿಮ ಘಟ್ಟದ ನದೀ ಕಣಿವೆ ಉಳಿವಿನ ಬಗ್ಗೆ ವೈಜ್ಞಾನಿಕ ಅಭಿಪ್ರಾಯ ಮಂಡಿಸಿದರು.
೧೯೯೫ ರಲ್ಲಿ ಬಿಸಗೋಡ ಕಾಳಿಕಣಿವೆ ಗಣಿಗಾರಿಕೆ ದುಷ್ಪರಿಣಾಮಗಳು ಹಾಗೂ ಯಾಣ ಪ್ರದೇಶದ ಪರಿಸರ ಪರಿಸ್ಥಿತಿ ಬಗ್ಗೆ ಅರಣ್ಯ ಇಲಾಖೆ ಹಾಗೂ ವೃಕ್ಷಲಕ್ಷ ಆಂದೋಲನದವರ ನೇತೃತ್ವದಲ್ಲಿ ಅಧ್ಯಯನ ನಡೆಸಿ ವರದಿ ನೀಡಿದರು.
೧೯೮೦ ರ ದಶಕದಲ್ಲೇ ಭಾರತೀಯ ವಿಜ್ಞಾನ ಸಂಸ್ಥೆಯಲ್ಲಿ ಕಾಳಿಕಣಿವೆಯಲ್ಲಿ ಕೈಗಾ-ಅಣುಸ್ಥಾವರ ದುಷ್ಪರಿಣಾಮಗಳ ಸಾಧ್ಯತೆಗಳು ಕುರಿತು ವಿಜ್ಞಾನ ಸಮ್ಮೇಳನ ನಡೆದಿದ್ದು ಐತಿಹಾಸಿಕ ದಾಖಲೆ ಎನಿಸಿತು.
೧೯೯೦ ರ ದಶಕದಲ್ಲಿ ಪುನಃ ಉ.ಕ ಜಿಲ್ಲೆಯ ಅಭಿವೃದ್ಧಿ ಬಗ್ಗೆ ಬೇಡ್ತಿ ಸಮೀತಿ ಹಲವು ಸಹಕಾರಿ ಸಂಸ್ಥೆಗಳ ಜೊತೆ ವಿಜ್ಞಾನ ಸಮ್ಮೇಳನ ನಡೆಸಿದೆ.
ಭಾರತೀಯ ವಿಜ್ಞಾನ ಸಂಸ್ಥೆ ಶಿರಸಿಯಲ್ಲಿ & ಕುಮಟಾಗಳಲ್ಲಿ ಪರಿಸರ ಅಧ್ಯಯನ ಕೇಂದ್ರ ಸ್ಥಾಪಿಸಿ ಉ.ಕ ಜಿಲ್ಲೆಯ ಹಲವು ಕಣಿವೆಗಳ ಸಸ್ಯ, ವನ್ಯಜೀವಿ, ಜಲ ಜೀವವೈವಿಧ್ಯ ಅಧ್ಯಯನಗಳನ್ನು ೩೫ ವರ್ಷಗಳಿಂದ ನಡೆಸುತ್ತಲೇ ಬಂದಿದೆ.
ಅರಣ್ಯ ಕಾಲೇಜು ವಿಜ್ಞಾನಿಗಳು ಶಿರಸಿ ಆಶ್ರಯದಲ್ಲಿ ಉ.ಕ ಜಿಲ್ಲೆಯ ದೇವರಕಾಡು, ಪರಿಸರ, ರಾಂಪತ್ರೆ ಜಡ್ಡಿ, ಇನ್ನಿತರ ಅರಣ್ಯ ಅಧ್ಯಯನಗಳನ್ನು ನಡೆಸಿದ್ದಾರೆ.
ಶರಾವತಿ ಕಣಿವೆಯ ಸಮಗ್ರ ಅಧ್ಯಯನವನ್ನು ಭಾರತೀಯ ವಿಜ್ಞಾನ ಸಂಸ್ಥೆ ತಂಡ ಸತತ ೪ ವರ್ಷ ನಡೆಸಿ ೨೦೦೪ರಲ್ಲಿ ವರದಿ ನೀಡಿದೆ. ಅಘನಾಶಿನಿ ಕಣಿವೆ ಬಗ್ಗೆ ವಿವರ ಅಧ್ಯಯನವನ್ನು ಪರಿಸರ ಅಧ್ಯಯನ ಕೇಂದ್ರ ಕುಮಟಾ ನಡೆಸಿದೆ.
ಪಶ್ಚಿಮ ಘಟ್ಟ ಕಾರ್ಯಪಡೆಯ ವಿಜ್ಞಾನಿಗಳು ೨೦೧೦ ರಿಂದ ೨೦೧೩ ವರೆಗೆ ಇಡೀ ಪಶ್ಚಿಮ ಘಟ್ಟದ ಹೋಬಳಿವಾರು, ಗಡಿಗುರುತಿಸುವಿಕೆ, ನದೀ ಮೂಲಗಳ ಅಧ್ಯಯನ, ದೇವರ ಕಾಡುಗಳ ಸ್ಥಿತಿ, ಮಿರಿಸ್ವಿಕಾ ಸ್ವಾಂಪ್ ಗಳ ಸ್ಥಿತಿ ಇವೆಲ್ಲವುಗಳ ಬಗ್ಗೆ ಅಧ್ಯಯನ ನಡೆಸಿ ಸರ್ಕಾರಕ್ಕೆ ವರದಿ ಸಲ್ಲಿಸಿದ್ದಾರೆ.
ಜೀವವೈವಿಧ್ಯಮಂಡಳಿ, ಪಶ್ಚಿಮ ಘಟ್ಟ ಕರ‍್ಯಪಡೆ ಆಶ್ರಯದಲ್ಲಿ ಭಾರತೀಯ ವಿಜ್ಞಾನ ಸಂಸ್ಥೆಯ ತಂಡದವರು ೪ ವರ್ಷ (೨೦೧೦-೨೦೧೩) ಅಧ್ಯಯನ ನಡೆಸಿ ಉ.ಕ ಜಲ್ಲೆಯ ಪರಿಸರ ಧಾರಣ ಸಾಮರ್ಥ್ಯ ಕುರಿತ ಸಮಗ್ರ ವರದಿಯನ್ನು ಸರ್ಕಾರಕ್ಕೆ ಸಲ್ಲಿಸಿದರು.
ಪಶ್ಚಿಮ ಘಟ್ಟದಲ್ಲಿನ ಭೂಕುಸಿತಗಳಿಗೆ ಕಾರಣಗಳು, ತಡೆ ಹೇಗೆ ಕುರಿತ ಅಧ್ಯಯನವನ್ನು ರಾಜ್ಯ ಜೀವವೈವಿಧ್ಯ ಮಂಡಳಿ ಇಸ್ರೊ, ಸಿ.ಇ.ಎಸ್ ಅರಣ್ಯ ಇಲಾಖೆ ಜಿಯಾಲೊಜಿಕಲ್ ಸರ್ವೆ ಆಫ್ ಇಂಡಿಯಾ ವಿಜ್ಞಾನಿಗಳ ತಂಡ ೨೦೨೦-೨೧ ರಲ್ಲಿ ನಡೆಸಿ ಸರ್ಕಾರಕ್ಕೆ ವರದಿ ನೀಡಿದ್ದಾರೆ.
ಪಶ್ಚಿಮ ಘಟ್ಟ ಕಾರ್ಯಪಡೆ ತಂಡ ಪಶ್ಚಿಮ ಘಟ್ಟದಲ್ಲಿ ನದಿ ಜೋಡಣೆ ವರವೇ? ಶಾಪವೆ? ಎಂಬ ಕುರಿತು ವಿಶ್ಲೇಷಣಾ ವರದಿಯನ್ನು ೨೦೧೨ ರಲ್ಲಿ ನೀಡಿದೆ.
ವನ್ಯಜೀವಿ ತಜ್ಞರ ತಂಡ ಬೇಡ್ತಿ ಅಘನಾಶಿನಿ & ಶಾಲ್ಮಲಾ ಕಣಿವೆಗಳನ್ನು ಸಂರಕ್ಷಿತ ಪ್ರದೇಶ ಎಂದು ಘೋಷಿಸಲು ತಾಂತ್ರಿಕ ವರದಿಯನ್ನು ಪಶ್ಚಿಮಘಟ್ಟ ಕರ‍್ಯಪಡೆ ಮೂಲಕ ವನ್ಯಜೀವಿಮಂಡಳಿಗೆ ಸಲ್ಲಿಸಿತು ಈ ಕುರಿತು ವನ್ಯ ಜೀವಿ ಮಂಡಳಿ ಘೋಷಣೆ ಮಾಡಿದೆ.
ಕರ್ನಾಟಕ ವಿಶ್ವ ವಿದ್ಯಾಲಯ ಸಾಗರ ವಿಜ್ಞಾನ ಅಧ್ಯಯನ ಕೇಂದ್ರ ಕಾರವಾರ ಎಟ್ರಿ ಬೆಂಗಳೂರು ಇನ್ನಿತರ ಸಂಶೋಧನಾ ಸಂಸ್ಥೆಗಳು ವಿಜ್ಞಾನಿಗಳು ಹಲವರು ಘಟ್ಟದ ಕರಾವಳಿಯ ಅಧ್ಯಯನ ನಡೆಸಿದ್ದಾರೆ. ಯುವವಿಜ್ಞಾನಿಗಳು ಇನ್ನಷ್ಟು ಅಧ್ಯಯನ ನಡೆಸುತ್ತಿದ್ದಾರೆ.
ಈ ಮೇಲಿನ ಎಲ್ಲ ವೈಜ್ಞಾನಿಕ ಅಧ್ಯಯನಗಳು ಪಶ್ಚಿಮ ಘಟ್ಟದಲ್ಲಿ ಉ.ಕ ಜಿಲ್ಲೆಯಲ್ಲಿ ಇನ್ನಷ್ಟು ಬೃಹತ್ ಜಲವಿದ್ಯುತ್ ಯೋಜನೆಗಳು, ನದೀ ತಿರುವು ಯೋಜನೆಗಳು, ಬೃಹತ್ ಗಣಿಗಾರಿಕೆ, ಇನ್ನಿತರ ಅರಣ್ಯ ಕಣಿವೆಗಳನ್ನು ನಾಶ ಮಾಡುವ ಯೋಜನೆಗಳನ್ನು ಸರ್ಕಾರ ಜಾರಿ ಮಾಡಬಾರದು ಎಂದು ಶಿಪಾರಸ್ಸು ನೀಡಿವೆ.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
