ಉಕ್ರೇನ್ ಗೆ ಹೋಗಿ ಬಂದ 24 ಗಂಟೆಯೊಳಗೆ ಅಮೆರಿಕದ ದೈತ್ಯ ಸೆನೆಟರ್ ನಿಗೂಢ ಸಾವು: ಭಾರತದ ಹೆಡೆಮುರಿ ಕಟ್ಟಲು ಹೆಣೆದಿದ್ದ ಚಕ್ರವ್ಯೂಹ ಅರ್ಧಕ್ಕೆ ಕಟ್??
ಆಪ್ತ ವಿಶೇಷ
ಆದಿತ್ಯ ನಾರಾಯಣ್
****
ಆದಿತ್ಯ ನಾರಾಯಣ್
****
ಅಮೆರಿಕದ ರಾಜಕೀಯ ವಲಯದಲ್ಲಿ ಮತ್ತು ಜಾಗತಿಕ ಮಟ್ಟದಲ್ಲಿ ಭಾರೀ ಸಂಚಲನ ಮೂಡಿಸಿರುವ ಘಟನೆಯೊಂದರಲ್ಲಿ, ಅಮೆರಿಕದ ಅತ್ಯಂತ ಪ್ರಭಾವಿ ಸೆನೆಟರ್ ಲಿಂಡ್ಸೆ ಗ್ರಹಾಂ ಅವರು ದಿಢೀರ್ ಸಾವನ್ನಪ್ಪಿದ್ದಾರೆ. ನಿನ್ನೆಯಷ್ಟೇ ಉಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ ಜೊತೆ ನಿಂತು ರಷ್ಯಾ ವಿರುದ್ಧ ಗುಡುಗಿದ್ದ ಇವರು, ತವರಿಗೆ ಹಿಂದಿರುಗಿದ 24 ಗಂಟೆಯೊಳಗೆ ನಿಗೂಢವಾಗಿ ಸಾವನ್ನಪ್ಪಿರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ. ವಿಶೇಷವೆಂದರೆ, ರಷ್ಯಾದಿಂದ ತೈಲ ಖರೀದಿಸುವ ಭಾರತ ಮತ್ತು ಚೀನಾದ ಮೇಲೆ ಶೇ. 500ರಷ್ಟು Tariff ವಿಧಿಸುವ ಕಠಿಣ ಮಸೂದೆಯೊಂದನ್ನು ಇವರು ಸಿದ್ಧಪಡಿಸಿದ್ದರು. ಆ ಮಸೂದೆ ಮಂಡನೆಯಾಗುವ ಮುನ್ನವೇ ಇವರು ಇಹಲೋಕ ತ್ಯಜಿಸಿದ್ದಾರೆ.
ಉಕ್ರೇನ್ ಭೇಟಿ ಮತ್ತು ರಷ್ಯಾ ವಿರುದ್ಧದ ಮಾಸ್ಟರ್ಪ್ಲಾನ್
ಲಿಂಡ್ಸೆ ಗ್ರಹಾಂ ಅವರು ಉಕ್ರೇನ್ಗೆ ಭೇಟಿ ನೀಡುವುದು ಇದೇನು ಮೊದಲಾಗಿರಲಿಲ್ಲ; ಇದು ಅವರ 10ನೇ ಭೇಟಿಯಾಗಿತ್ತು. ಕೀವ್ನಲ್ಲಿ ಝೆಲೆನ್ಸ್ಕಿಯನ್ನು ಭೇಟಿಯಾದ ಗ್ರಹಾಂ, ಉಕ್ರೇನ್ನ ಡ್ರೋನ್ ತಯಾರಿಕಾ ಕಂಪನಿ 'ಸ್ಕೈಫಾಲ್'ಗೆ ಭೇಟಿ ನೀಡಿ ಅಮೆರಿಕದ ಸಂಪೂರ್ಣ ಬೆಂಬಲ ಸೂಚಿಸಿದ್ದರು. ಇವರ ಅಸಲಿ ಉದ್ದೇಶವಿದ್ದದ್ದು ರಷ್ಯಾದ ಆರ್ಥಿಕತೆಯ ಮೂಲವಾಗಿರುವ ತೈಲ ರಫ್ತಿಗೆ ಬ್ರೇಕ್ ಹಾಕುವುದು. ರಷ್ಯಾದಿಂದ ಯಾರೆಲ್ಲಾ ತೈಲ ಖರೀದಿಸುತ್ತಾರೋ, ಆ ದೇಶಗಳ ಮೇಲೆ ಸೆಕೆಂಡರಿ ನಿರ್ಬಂಧಗಳನ್ನು ಹೇರುವ ಬೃಹತ್ ಬಿಲ್ ಒಂದನ್ನು ಅಮೆರಿಕದ ಸಂಸತ್ತಿನಲ್ಲಿ ಪಾಸ್ ಮಾಡಲು ಇವರು ಡೆಮಾಕ್ರಟ್ ಮತ್ತು ರಿಪಬ್ಲಿಕನ್ ಪಕ್ಷಗಳೆರಡರ ಬೆಂಬಲವನ್ನು ಒಟ್ಟುಗೂಡಿಸಿದ್ದರು.
ಭಾರತದ ಮೇಲಿದ್ದ ಕಂಟಕವೇನು?
ಗ್ರಹಾಂ ಅವರ ಈ ನಿರ್ಬಂಧಗಳ ಬಿಲ್ನ ನೇರ ಟಾರ್ಗೆಟ್ ಆಗಿದ್ದೇ ಭಾರತ ಮತ್ತು ಚೀನಾ. ಭಾರತವು ಪ್ರಸ್ತುತ ತನ್ನ ಒಟ್ಟು ತೈಲ ಆಮದಿನ ಶೇ. 40ರಷ್ಟನ್ನು ರಷ್ಯಾದಿಂದ ಖರೀದಿಸುತ್ತಿದೆ. ಒಂದು ವೇಳೆ ಈ ಬಿಲ್ ಪಾಸ್ ಆಗಿದ್ದರೆ, ರಷ್ಯಾದಿಂದ ತೈಲ ಖರೀದಿಸುವ ಭಾರತದ ಮೇಲೆ ಬರೋಬ್ಬರಿ 500% ಟ್ಯಾರಿಫ್ ವಿಧಿಸುವ ಆತಂಕವಿತ್ತು. ಇದರ ಹಿಂದಿದ್ದ ಅಸಲಿ ಹುನ್ನಾರವೆಂದರೆ, ಭಾರತವು ರಷ್ಯಾದ ತೈಲವನ್ನು ಬಿಟ್ಟು ಅಮೆರಿಕದ ದುಬಾರಿ ತೈಲವನ್ನು ಖರೀದಿಸುವಂತೆ ಮಾಡುವುದು. ಅಮೆರಿಕದ ಶಸ್ತ್ರಾಸ್ತ್ರ ಮತ್ತು ಇಂಧನ ಲಾಬಿಯ ಹಿತಾಸಕ್ತಿ ಕಾಯಲು ಇವರು ಭಾರತದ ವಿರುದ್ಧ ಇಂತಹ ಆಕ್ರಮಣಕಾರಿ ಆರ್ಥಿಕ ಅಸ್ತ್ರಗಳನ್ನು ಪ್ರಯೋಗಿಸುತ್ತಿದ್ದರು.
ಟ್ರಂಪ್ ಅವರ ಬಲಗೈ ಬಂಟ ಹಾಗೂ 'AIPAC' ನಾಯಕ
ಡೊನಾಲ್ಡ್ ಟ್ರಂಪ್ ಅವರ ಅತ್ಯಂತ ಆಪ್ತ ವಲಯದಲ್ಲಿ ಗುರುತಿಸಿಕೊಂಡಿದ್ದ ಕೆಲವೇ ಕೆಲವು ವ್ಯಕ್ತಿಗಳಲ್ಲಿ ಗ್ರಹಾಂ ಪ್ರಮುಖರು. ಟ್ರಂಪ್ ಅವರೊಟ್ಟಿಗೆ ಗಾಲ್ಫ್ ಆಡುವ, ಅವರ ವಿದೇಶಾಂಗ ನೀತಿಗಳನ್ನು ರೂಪಿಸುವಲ್ಲಿ ಇವರ ಪಾತ್ರ ದೊಡ್ಡದಿತ್ತು. ಅಮೆರಿಕದ ಸೆನೆಟ್ನಲ್ಲಿ ಯಾವುದೇ ಕಠಿಣ ಬಿಲ್ ಪಾಸ್ ಮಾಡಬೇಕಾದರೂ ಟ್ರಂಪ್ಗೆ ಇವರೇ ಬೇಕಿತ್ತು. ಇದಲ್ಲದೆ, ಅಮೆರಿಕದಲ್ಲಿರುವ ಅತಿ ದೊಡ್ಡ ಇಸ್ರೇಲ್ ಪರ ಲಾಬಿ 'AIPAC'ನ (America Israel Public Affairs Committee) ಪ್ರಮುಖ ನಾಯಕರಾಗಿದ್ದ ಇವರು, ಇಸ್ರೇಲ್ ಪರ ಮತ್ತು ಇರಾನ್ ವಿರುದ್ಧ ಸದಾ ಕಠಿಣ ನಿಲುವು ಹೊಂದಿದ್ದರು.
ಸಾವು ಸಹಜವೋ? ನಿಗೂಢವೋ?
ಉಕ್ರೇನ್ನಿಂದ ಅಮೆರಿಕದ ರಾಜಧಾನಿ ವಾಷಿಂಗ್ಟನ್ ಡಿಸಿಗೆ ಮರಳಿದ ಬೆನ್ನಲ್ಲೇ, ತಮ್ಮ 71ನೇ ವಯಸ್ಸಿನಲ್ಲಿ ಗ್ರಹಾಂ ಸಾವನ್ನಪ್ಪಿದ್ದಾರೆ. ಅವರ ಕಚೇರಿ "ದಿಢೀರ್ ಅನಾರೋಗ್ಯದಿಂದ ಮೃತಪಟ್ಟಿದ್ದಾರೆ" ಎಂದು ಮಾತ್ರ ಹೇಳಿಕೆ ನೀಡಿದೆ. ಎದೆನೋವು ಮತ್ತು ಹೃದಯಾಘಾತದಿಂದ ಸಾವು ಸಂಭವಿಸಿದೆ ಎಂದು ವರದಿಗಳು ಹೇಳುತ್ತಿದ್ದರೂ, ರಷ್ಯಾ ವಿರುದ್ಧದ ಅತಿ ದೊಡ್ಡ ನಿರ್ಬಂಧಕ್ಕೆ ಕೈಹಾಕಿದ್ದ ಹೊತ್ತಿನಲ್ಲೇ ಸಂಭವಿಸಿದ ಈ ಸಾವು ಜಾಗತಿಕ ಮಟ್ಟದಲ್ಲಿ ಹಲವು ಪಿತೂರಿಯ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
ಬರೋಬ್ಬರಿ 24 ವರ್ಷಗಳ ಕಾಲ ಅಮೆರಿಕದ ಸೆನೆಟರ್ ಆಗಿ ಮೆರೆದಿದ್ದ ಲಿಂಡ್ಸೆ ಗ್ರಹಾಂ ಅವರ ಸಾವು, ಯುಎಸ್ ಸೆನೆಟ್ನಲ್ಲಿ ಮತ್ತು ಟ್ರಂಪ್ ಪಾಳಯದಲ್ಲಿ ಬಹುದೊಡ್ಡ ಪವರ್ ವ್ಯಾಕ್ಯೂಮ್ ಸೃಷ್ಟಿಸಿದೆ. ಭಾರತದ ಆರ್ಥಿಕತೆಗೆ ಕಂಟಕವಾಗಲಿದ್ದ ಬಿಲ್ನ ರೂವಾರಿಯೇ ಈಗಿಲ್ಲವಾಗಿರುವುದು, ಮುಂದಿನ ದಿನಗಳಲ್ಲಿ ಅಮೆರಿಕದ ವಿದೇಶಾಂಗ ನೀತಿ ಮತ್ತು ಭಾರತ-ರಷ್ಯಾ ತೈಲ ವ್ಯವಹಾರ ಯಾವ ರೀತಿಯ ತಿರುವು ಪಡೆಯಲಿದೆ ಕಾದು ನೋಡಬೇಕಿದೆ.
What's Your Reaction?
Like
0
Dislike
0
Love
1
Funny
0
Angry
0
Sad
0
Wow
0
