ಕಂಚಿಮನೆ ಗಂಗಣ್ಣನನ್ನು ಅರಸಿ, ಹರಸಿ ಬಂದ ಸನ್ಮಾನ: ಡಾ. ಜಿ ಎ ಹೆಗಡೆ ಸೋಂದಾ
ಆಪ್ತ ನ್ಯೂಸ್‌ ಸಿದ್ದಾಪುರ:
ಕಂಚಿಮನೆ ಕಲಾವಿದರೆಂದು ಪ್ರಸಿದ್ಧಿ ಪಡೆದ, ಸಿದ್ಧಾಪುರದ ಕಂಚಿಮನೆಯ ನಾಲ್ವರು ಸಹೋದರರು ಹಿಮ್ಮೇಳ ಕಲಾವಿದರಾಗಿ ಯಕ್ಷಗಾನಕ್ಕೆ ಒದಗಿದ್ದು ಭುವನದ ಭಾಗ್ಯ, ಯಕ್ಷಗಾನದ ಸೌಭಾಗ್ಯ. ಇವರೆಲ್ಲರ ಸೇವೆ ದಾಖಲೆಗೆ ಅರ್ಹ. ಇಂತಹ ಮತ್ತೊಂದು ಹಿಮ್ಮೇಳ ಕಲಾವಿದರ ಕುಟುಂಬವನ್ನು ಹುಡುಕುವುದು ಕಷ್ಟ. ಕಳೆದ ೪೫ ವರ್ಷಗಳಿಂದ ಚಂಡೆಯ ಮಾಂತ್ರಿಕನಾಗಿ ಗುರುತಿಸಿಕೊಂಡು ಜಿಲ್ಲೆಯ ಅದೆಷ್ಟೊ ಹವ್ಯಾಸಿ ಮೇಳಗಳಿಗೆ ಮತ್ತು ವೃತ್ತಿ ಮೇಳಗಳಿಗೆ ಕಲಾ ಸೇವೆ ಒದಗಿಸಿದ ಅಪೂರ್ವ ಕಲಾವಿದ ಕಂಚಿಮನೆ ಗಂಗಣ್ಣ ಎಂದು ನಿವೃತ್ತ ಪ್ರಾಚಾರ್ಯ ಯಕ್ಷಗಾನ ವಿದ್ವಾಂಸ ಶಿರಸಿಯ ಡಾ: ಜಿ ಎ ಹೆಗಡೆ ಸೋಂದಾ ನುಡಿದರು.
ಅವರು ನಿಲ್ಕುಂದದ ವೀರಭದ್ರೇಶ್ವರ ದೇವಾಲಯದ ಜಾತ್ರಾ ಮಹೋತ್ಸವದ ಅಂಗವಾಗಿ ಹೆಗ್ಗರಣಿಯ ವೀರ ಮಾರುತಿ ಕದಂಬೇಶ್ವರ ಯಕ್ಸಗಾನ ಮಂಡಳಿಯಿAದ ನಡೆದ “ ಭಕ್ತ ಚಂದ್ರಹಾಸ” ಯಕ್ಷಗಾನ ಕಾರ್ಯಕ್ರಮ ಉದ್ಘಾಟಿಸಿ ಮೇಳದ ಯಜಮಾನ ಯಕ್ಷಾರಾಧಕ ರಘುಪತಿ ಹೆಗ್ಗರಣಿ ಅವರು ಹಿರಿಯ ಚಂಡೆ ವಾದಕ ಗಂಗಾಧರ ಹೆಗಡೆ ಕಂಚಿಮನೆ ಅವರಿಗೆ ಏರ್ಪಡಿಸಿದ ಸನ್ಮಾನ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅಭಿನಂದಿಸಿ ಮಾತನಾಡುತ್ತಿದ್ದರು.
ಇವರ ಪ್ರಾಮಾಣಿಕ ಸೇವೆಗೆ ಇವರನ್ನು ಸನ್ಮಾನವು ಅರಸಿ ಬಂದಿದೆ, ಹರಸಿ ಬಂದಿದೆ, ಅದು ಇವರು ಬಯಸಿ ಬಂದಿದ್ದಲ್ಲ ಎಂದು ಡಾ: ಹೆಗಡೆ ನುಡಿದರು. ರಂಗ ನಡೆಯ ಚಾಕಚಕ್ಯತೆ ಅರಿತು ಲಯಸಿದ್ಧಿ ಪಡೆದ ಕಲಾವಿದರಾದ ಗಂಗಣ್ಣ ಚಂಡೆಗೆ ಸದಾ ಸರ್ವದ ಪ್ರಸ್ತುತರು, ಎಂದು ಡಾ: ಜಿ ಎ ಹೆಗಡೆ ಬಣ್ಣಿಸಿದರು. ಹೆಗ್ಗರಣಿ ಮೇಳವನ್ನು ರಘುಪತಿ ನಾಯಕರು ಕಳೆದ ೩೦ ವರ್ಷಗಳಿಂದ ನಡೆಸಿಕೊಂಡು ಬಂದಿರುವುದು, ತನ್ಮೂಲಕ ನೂರಾರು ಕಲಾವಿದರು ಬೆಳವಣಿಗೆಗೆ ಹೊಂದಿರುವುದು, ತನ್ಮೂಲಕ ಹಿರಿಯ ಕಲಾವಿದರನ್ನು ಸನ್ಮಾನಿಸುವ ವೇದಿಕೆ ನಿರ್ಮಾಣ ಮಾಡಿರುವುದು ರಘುಪತಿ ನಾಯ್ಕರ ಮೇಳದ ಯಜಮಾನಿಕೆಯ ಸಾರ್ಥಕತೆಯಾಗಿದೆ. ಎಂದು ರಘುಪತಿ ನಾಯ್ಕರವರ ಸಾಧನೆಯನ್ನು ಪ್ರಶಂಶಿಸಿದರು.
ಸನ್ಮಾನಕ್ಕೆ ಕಾರಣಿಕರ್ತರಾದ ರಘುಪತಿ ನಾಯ್ಕ ಹೆಗ್ಗರಣಿ ಮಾತಾಡಿ ತಮ್ಮ ಮೇಳದಲ್ಲಿ ಗಂಗಣ್ಣನವರು ನಿರಂತರ ೨೫ ವರ್ಷ ಸೇವೆ ಸಲ್ಲಿಸಿದ್ದಾರೆ ಪ್ರತಿ ವರ್ಷ ಹೀರಿಯ ಕಲಾವಿದರೊಬ್ಬರನ್ನು ಸನ್ಮಾನಿಸುತ್ತಾ ಬಂದಿರುವ ಸಂಸ್ಕೃತಿಯ ಹಿನ್ನಲೆಯಲ್ಲಿ ಈ ವರ್ಷ ಕಂಚಿಮನೆ ಗಂಗಣ್ಣನವರನ್ನು ಸನ್ಮಾನಿಸಲು ಹರ್ಷವಾಗುತ್ತಿದೆ ಎಂದರು.
ಶುಭ ಕೋರಿದ ನಾಟ್ಯಾಚಾರ್ಯ ಶಂಕರ ಭಟ್ಟ ಸಿದ್ದಾಪುರ, ಕಂಚಿಮನೆ ಗಂಗಾಧರ ಹೆಗಡೆಯವರು ಕಲಾವಿದರ ಸಾಮಥ್ಯ ಅರಿತು ಕುಣಿಸುವ ಆಟವನ್ನು ಚಂದಗಾಣಿಸುವ ಉತ್ತಮ ಹಿಮ್ಮೇಳದ ಪಟು ಎಂದರು.
ಸನ್ಮಾನಕ್ಕೆ ಉತ್ತರಿಸಿದ ಕಂಚಿಮನೆ ಗಂಗಾಧರ ಹೆಗಡೆ, ಈ ಸನ್ಮಾನ ಖುಷಿ ತಂದಿದೆ ಹೊಣೆಯನ್ನು ಇನ್ನೂ ಹೆಚ್ಚಿಸಿ ಕಲಾಸೇವೆ ನೀಡಲು ಪ್ರೇರಣೆ ನೀಡಿದೆ ಎಂದರು.
ವೀರಭದ್ರೇಶ್ವರನ ಸನ್ನಿದಾನದಲ್ಲಿ ಯಕ್ಷಗಾನ ಪ್ರದರ್ಶನ ಏರ್ಪಡಿಸಿದ ಸಂತೋಷ ಗೌಡರ್ ತೆಪ್ಪಾರು ಎಲ್ಲರನ್ನು ಸ್ವಾಗತಿಸಿ ಅತಿಥಿಗಳನ್ನು ಗೌರವಿಸಿದರು. ವೇದಿಕೆಯಲ್ಲಿ ನಾಘಪತಿ ಗೌಡರ್ ಹುತ್ಗಾರ ರಾಜಾರಾಮ ಹೆಗಡೆ ಬೆಳೆಗಲ್ ಉಪಸ್ಥಿತರಿದ್ದು ಶುಭ ಕೋರಿದರು.
ನಂತರ ನಡೆದ “ಭಕ್ತಚಂದ್ರಹಾಸ”ಆಖ್ಯಾನದಲ್ಲಿ ದುಷ್ಟಬುದ್ದಿಯಾಗಿ ರಘುಪತಿ ನಾಯ್ಕ, ಮದನನಾಗಿ ಶಂಕರ ಭಟ್ಟ ಸಿದ್ದಾಪುರ ಚಂದ್ರಹಾಸನಾಗಿ ಮಾರ್ಷಲ್ ಮುರೂರು, ಕುಳಿಂದನಾಗಿ ಎಮ್ ಟಿ ಗೌಡ ವಿಷಯೆಯಾಗಿ ಮಂಜು ಕೊನಳ್ಳಿ ದೇವಿ ರಾಜು ನಡುಗೋಡ ಹಾಸ್ಯದಲ್ಲಿ ಅನಂತ ಹೆಗಡೆ ಯಲ್ಲಾಪುರ ಮತ್ತು ಗಣೇಶ ಶಿರಸಿ ಪಾತ್ರ ನಿರ್ವಹಿಸಿದರು ಗಜಾನನ ಭಟ್ಟ ತುಳಗೆರೆ, ವಿಠ್ಠಲ ಪೂಜಾರಿ ಮಂಚಿಕೇರಿ ಗಂಗಾಧರ ಹೆಗಡೆ ಕಂಚಿಮನೆ ಹಿಮ್ಮೇಳ ಒದಗಿಸಿದರು.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
