ಕೇಣಿ ಬಂದರು ನಿರ್ಮಾಣ: ಕಾನೂನು ತೊಡಕು ಕುರಿತು ಅರಣ್ಯ ಸಚಿವರಿಗೆ ಪತ್ರ

aaptanews@2025

Nov 28, 2025 - 15:20

0 14

ಕೇಣಿ ಬಂದರು ನಿರ್ಮಾಣ: ಕಾನೂನು ತೊಡಕು ಕುರಿತು ಅರಣ್ಯ ಸಚಿವರಿಗೆ ಪತ್ರ

ಉ.ಕ ಜಿಲ್ಲೆ ಅಂಕೋಲಾ ತಾ: ಕೇಣಿ ಬಂದರು ನರ‍್ಮಾಣ ಯೋಜನೆ ಕೈ ಬಿಡಲು ಜನತೆ ನಡೆಸುತ್ತಿರುವ ಬೃಹತ್ ಜನಾಂದೋಲನಕ್ಕೆ ಮಾನ್ಯತೆ ನೀಡಬೇಕು ಎಂದು ನಾಡಿನ ಪರಿಸರ ಪರಿಸರ ಸಂಘಟನೆಗಳ ಒತ್ತಾಯ ಮಾಡಿದ್ದು, ಮುಖ್ಯಮಂತ್ರಿ, ಅರಣ್ಯ ಪರಿಸರ ಸಚಿವರಿಗೆ ಪತ್ರ ಬರೆಯುವ ಮೂಲಕ ಹಲವು ಕಾಯಿದೆ ಪ್ರಶ್ನೆಗಳನ್ನು ಅವರು ಮುಂದಿಟ್ಟಿದ್ದಾರೆ.

ಉ.ಕ ಜಿಲ್ಲೆ ಅಂಕೋಲಾ ತಾ| ಕೇಣಿ ಬಂದರು ನರ‍್ಮಾಣ ಯೋಜನೆ ಜಾರಿಗೆ ರಾಜ್ಯ ಸರ್ಕಾರ ಖಾಸಗಿ ಕಂಪನಿಗೆ ಒಪ್ಪಿಗೆ ನೀಡಿದೆ. ಸಮುದ್ರ ತೀರದಿಂದ ೧೦ ಕೀಮಿ ಸಮುದ್ರದಲ್ಲಿ ಭಾರೀ ಬಂದರು ನರ‍್ಮಾಣದಿಂದ ೧೦೦೦೦ ಮೀನುಗಾರರ ಬದುಕಿಗೆ ಸಂಚಕಾರ ಬರಲಿದೆ ಎಂದು ಆಗ್ರಹಿಸಿ ಕಳೆದ ಒಂದು ವರ್ಷದಿಂದ ಅಂಕೋಲಾದಲ್ಲಿ ಜನಾಂದೋಲನ ನಡೆದಿದೆ. ಸಾರ್ವಜನಿಕ ಅಹವಾಲು ಸಭೆಯಲ್ಲಿ, ಧರಣಿ, ಮೆರವಣಿಗಳಲ್ಲಿ ಸಾವಿರ ಸಾವಿರ ಸಂಖ್ಯೆಯಲ್ಲಿ ಸ್ಥಳೀಯ ರೈತರು, ಮೀನುಗಾರರು, ನಾಗರಿಕರು ಭಾಗವಹಿಸಿದ್ದಾರೆ. ಪ್ರಜಾಪ್ರಭುತ್ವ ಸಂವಿಧಾನ, ಕಾನೂನುಗಳ ಭಾರೀ ಉಲ್ಲಂಘನೆ ಮಾಡಿ ಸರ್ಕಾರ ಬಂದರು ಯೋಜನೆ ಜಾರಿ ಮಾಡಬೇಕೆ ಎಂಬ ಪ್ರಶ್ನೆಗಳನ್ನು ಹಲವು ಗಣ್ಯರು ಎತ್ತಿದ್ದಾರೆ.

ಮುಖ್ಯಮಂತ್ರಿಗಳಿಗೆ ಕೇಳಲಾಗಿರುವ ಪ್ರಶ್ನೆಗಳು ಹೀಗಿದೆ ನೋಡಿ:

೧) ಸಾರ್ವಜನಿಕ ಅಹವಾಲು ಸಭೆ ಪರಿಸರ ಕಾಯಿದೆ ಅಡಿಯಲ್ಲಿ ನಡೆದರೂ ಇದೊಂದು ಕೇಣಿ ಬಂದರು ಯೋಜನೆ ರದ್ದು ಕೋರಿ ವ್ಯಕ್ತವಾದ ಜನಾಭಿಪ್ರಾಯ ಸಂಗ್ರಹ ಸಭೆಯೇ ಆಗಿತ್ತು ಎಂಬುದನ್ನು ಜಿಲ್ಲಾಧಿಕಾರಿಗಳು ದಾಖಲೆ ಸಹಿತ ಸರ್ಕಾರಕ್ಕೆ ಹೇಳಬಹುದಲ್ಲವೇ?

೨) ಕೇಣಿ ಸಮುದ್ರ ತೀರದಲ್ಲಿ ಕರಾವಳಿ ಪರಿಸರ ನಿಯಂತ್ರಣ (ಸಿ ಆರ್ ಜಡ್) ಕಾಯಿದೆ ತೀವ್ರ ಭಂಗ ಆಗುವದನ್ನು ಜಿಲ್ಲಾ & ರಾಜ್ಯ ಸಿ.ಆರ್.ಜಡ್ ಅಥಾರಿಟಿ ಎತ್ತಿ ಹೇಳುತ್ತಿಲ್ಲ ಯಾಕೆ? ಈ ಸಿ ಆರ್ ಜಡ್ ಅಥಾರಿಟಿ ಮುಖ್ಯಸ್ಥರು ಕೇಣಿಗೆ ಬಂದು ಸ್ಥಳದಲ್ಲಿ ಪರಿಸರ ತಜ್ಞರ ಜೊತೆ ಪರಿಶೀಲನೆ ನಡೆಸುವ ಧೈರ್ಯ ತೋರಿಸುತ್ತಿಲ್ಲ ಯಾಕೆ.

೩) ಅಂಕೋಲಾ ತಾ| ಕೇಣಿ, ಸುತ್ತಲಿನ ಹಳ್ಳಿಗಳ ಗ್ರಾಮ ಪಂಚಾಯತಗಳು ಕೈಗೊಂಡ ಗ್ರಾಮ ಸಭೆಗಳ ನಿರ್ಣಯಗಳನ್ನು ಮಾನ್ಯ ಮಾಡಬೇಕಾದ ಜಿಲ್ಲಾ ಪಂಚಾಯತರಾಜ್ ಇಲಾಖೆ, ಜಿಲ್ಲಾಡಳಿತ ರಾಜ್ಯ ಪಂಚಾಯತ ರಾಜ್ ಇಲಾಖೆ ಮುಖ್ಯಸ್ಥರಿಗೆ ಮುಖ್ಯ ಕಾರ್ಯದರ್ಶಿಗಳಿಗೆ ಈ ಜನಾಭಿಪ್ರಾಯ ತಿಳಿಸುವ ಕರ್ತವ್ಯ ನಿರ್ವಹಿಸಿದ್ದಾರೆಯೆ?

೪) ಉ.ಕ ಜಿಲ್ಲೆಯ ಶಾಸಕರು ಸಂಸದರು ವಿಧಾನಸಭೆ & ಲೋಕ ಸಭೆಯಲ್ಲಿ ಅಂಕೋಲಾ ಮೀನುಗಾರರ ಪರವಾಗಿ ವಕಾಲತ್ತು ಮಾಡಬೇಕಲ್ಲವೆ?

೫) ರಾಜ್ಯಮಾಲಿನ್ಯ ನಿಯಂತ್ರಣ ಮಂಡಳಿ ಅಧ್ಯಕ್ಷರು & ಸದಸ್ಯ ಕಾರ್ಯದರ್ಶಿಗಳು ಅಂಕೋಲಾ ಸಮುದ್ರ, ಸಮುದ್ರ ತೀರವನ್ನೆಲ್ಲಾ ಮಾಲಿನ್ಯ ಮಾಡುವ ಕೇಣಿ ಬಂದರು ಯೋಜನಾ ಪ್ರದೇಶದಲ್ಲಿ ಜನತೆ ಜೊತೆ ಸಭೆ ನಡೆಸಲು ಯಾಕೆ ಬರುತ್ತಿಲ್ಲ?

೬) ನೌಕಾನೆಲೆ ಪಕ್ಕ ಖಾಸಗಿ ಬಂದರು ಕಂಪನಿ ಕಾಮಗಾರಿ ನಡೆಸಲು ರಕ್ಷಣ ಇಲಾಖೆ ಅನುಮತಿ ಇದೆಯೆ? ಈ ಬಗ್ಗೆ ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಗಮನ ನೀಡಿದ್ದಾರೆಯೆ?

೭)ಅಹಿಂಸಾತ್ಮಕ ಸತ್ಯಾಗ್ರಹ ಮಾರ್ಗದಲ್ಲಿ ಉ.ಕ ಜಿಲ್ಲೆ ಜನತೆ ನಡೆಸುವ ಬೃಹತ್ ಯೋಜನೆಗಳ ವಿರುದ್ಧದ ಜನಾಂದೋಲನವನ್ನು ಸರ್ಕಾರ ನಿರ್ಲಕ್ಷö್ಯ ಮಾಡುವದೇಕೆ?

೮) ಅಂಕೋಲಾ ಕೇಣಿಯ ಮಾನ್ಯ ಮೀನುಗಾರರು ಮುಗ್ಧ ಜನತೆಯ ಒಗ್ಗಟ್ಟು, ಸಂಘಟನೆ, ನಿರಂತರ ಹೋರಾಟಕ್ಕೆ ಇಡೀ ಜಿಲ್ಲೆ ಜನತೆ, ಭೇಷ ಎನ್ನುತ್ತ ಬೆಂಬಲ ಪ್ರಕಟಿಸುತ್ತಿದ್ದಾರೆ. ಜನಪ್ರತಿನಿಧಿಗಳು ಒಟ್ಟಾಗಿ ಗಟ್ಟಿ ಧ್ವನಿಯಲ್ಲಿ ಬೆಂಬಲಿಸಬೇಕಲ್ಲವೆ?

೯) ಅಂಕೋಲಾ ಕರಾವಳಿಯ ಹಳ್ಳ, ಹೊಳೆ,ಗುಡ್ಡ, ಅಳಿವೆ ರಕ್ಷಣೆಗೆ ರಾಜ್ಯ ಜಾಗುಪ್ರದೇಶ ರಕ್ಷಣಾ ಪ್ರಾಧಿಕಾರ ಮುಂದಾಗುತ್ತಿಲ್ಲ ಯಾಕೆ?

೧೦) ರಾಜ್ಯ ಜೀವ ವೈವಿದ್ಯ ಮಂಡಳಿಗೆ ಕೇಣಿ ಬಂದರು ನರ‍್ಮಾಣ ಯೋಜನೆ ಬಗ್ಗೆ ಮಾಹಿತಿ ಇದೆಯೆ? ಮಂಡಳಿಯ ಸದಸ್ಯ ಕಾರ್ಯದರ್ಶಿ ಅಂಕೋಲಾಕ್ಕೆ ಭೇಟಿ ನೀಡಿದ್ದಾರೆಯೆ?

೧೧) ಹಲವು ವಿನಾಶದ ಅಂಚಿನ ಜಲಚರ ಸಸ್ಯ, ವನ್ಯಜೀವಿ ಇರುವ ಕೇಣಿ ಸಮುದ್ರ ತೀರಕ್ಕೆ ವನ್ಯಜೀವಿ ಮಂಡಳಿ ಭೇಟಿ ನೀಡಿ ಪರಿಶೀಲನೆ ನಡೆಸಿಲ್ಲ ಯಾಕೆ? ಎಂಬ ಗಂಭೀರ ಪ್ರಶ್ನೆಗಳನ್ನು ಕರಾವಳಿ ತಜ್ಞರು ಎತ್ತಿದ್ದಾರೆ.

೧೨) ಮಂಗಳೂರಿನ ಫಿಶರೀಸ್ ಕಾಲೇಜು ಧಾರವಾಡ ಕೃಷಿ ವಿಶ್ವವಿಧ್ಯಾಲಯ, ಬಾಗಲ್ಕೋಟೆ ತೋಟಗಾರಿಕಾ ವಿಶ್ವವಿದ್ಯಾಲಯ ಕರ್ನಾಟಕ ವಿಶ್ವವಿಧ್ಯಾಲಯ ಧಾರವಾಡ ಇವರೆಲ್ಲಾ ಕೇಣಿ-ಅಂಕೋಲಾ ಸಮುದ್ರ ತೀರ, ಸುತ್ತಲಿನ ಹಳ್ಳಿಗಳಿಗೆ ತಮ್ಮ ತಜ್ಞರ ಜೊತೆ ಬಂದು ಒಂದು ವಿಶೇಷ ಅಧ್ಯಯನ ನಡೆಸಲು ಮುಂದಾಗಬಾರದೇಕೆ?

೧೩) ಕೇಂದ್ರ ರಾಜ್ಯ ಮಾನವ ಹಕ್ಕು ಆಯೋಗಗಳು ಅಂಕೋಲಾ ಕೇಣಿಗೆ ಬಂದು ಬಡ ಮೀನುಗಾರರ ಬದುಕುವ ಹಕ್ಕು ರಕ್ಷಣೆಗೆ ಬೆಂಬಲ ನೀಡಬಾರದೇಕೆ? ಕೇಂದ್ರ-ರಾಜ್ಯ ಮಹಿಳಾ ಆಯೋಗಗಳು ತಮ್ಮ ತಂಡವನ್ನು ಕೇಣಿ ಅಂಕೋಲಕ್ಕೆ ಕಳಿಸಬಾರದೇಕೆ?

೧೪) ರಾಜ್ಯ ಕಾನೂನು ಸೇವಾ ಪ್ರಾಧಿಕಾರ ಸ್ವ ಪ್ರೇರಣೆಯಿಂದ ವಿಶೇಷ ತಂಡವನ್ನು ಕೇಣಿಗೆ ಕಳಿಸಿ ಮೀನುಗಾರರಿಗೆ ಕಾನೂನು ನೆರವು ನೀಡಲು ಮುಂದಾಗ ಬಾರದೇಕೆ? ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರ ಈ ಬಗ್ಗೆ ಸಹಾಯ ನೀಡಬಹುದಲ್ಲವೇ?

೧೫) ಒಔಇಈ ಸಿ ಆರ್ ಜಡ್, ಮತ್ತು ದಕ್ಷಿಣ ಭಾರತ ಪರಿಸರ ಅರಣ್ಯ ಮಂತ್ರಾಲಯದ ತಜ್ಞರು ಅರಣ್ಯ ಪರಿಸರ ಅಧಿಕಾರಿಗಳ ತಂಡ ಯಾಕೆ ಕೇಣಿ ಪ್ರದೇಶಕ್ಕೆ ಭೇಟಿ ನೀಡಿಲ್ಲ?

೧೬) ಉ.ಕ ಪರಿಸರ ಸಮೀತಿ, ವೃಕ್ಷಲಕ್ಷ ಆಂದೋಲನ, ಪಶ್ಚಿಮ ಘಟ್ಟ ಉಳಿಸಿ ಆಂದೋಲನ, ಹಲವು ಗ್ರಾಮ ಅರಣ್ಯ ಸಮೀತಿಗಳು, ಜೀವ ವೈವಿಧ್ಯ ಸಮೀತಿಗಳು, ರೈತ-ಕಿಸಾನ್ ಸಂಘಗಳು, ಮಹಿಳಾ ಒಕ್ಕೂಟಗಳು ಸೇರಿದಂತೆ ಹಲವು ಸಂಘ ಸಂಸ್ಥೆಗಳು ಅಂಕೋಲಾ ಕೇಣಿ ಮೀನುಗಾರರ ಅಹಿಂಸಾತ್ಮಕ ಸತ್ಯಾಗ್ರಹಕ್ಕೆ ಬೇಡಿಕೆ ಬೆಂಬಲ ವ್ಯಕ್ತಮಾಡಿವೆ. ಬೇಡ್ತಿ-ಅಘನಾಶಿನಿ ಕೊಳ್ಳ ಸಂರಕ್ಷಣಾ ಸಮಿತಿ ಶಿರಸಿಯಲ್ಲಿ ಇತ್ತಿಚೆಗೆ ನಡೆಸಿದ ರಾಜ್ಯ ಮಟ್ಟದ ವಿಜ್ಞಾನಿಗಳ ಸಮಾವೇಶದಲ್ಲಿ ಪೂಜ್ಯ ಸ್ವರ್ಣವಲ್ಲೀ ಸ್ಬಾಮೀಜಿಯವರ ಅಧ್ಯಕ್ಷತೆಯಲ್ಲಿ ಕೈಗೊಂಡ ನಿರ್ಣಯಗಳಲ್ಲಿ ಕೇಣಿ ಬಂದರು ಯೋಜನೆ ಸೇರಿ ಜಿಲ್ಲೆಯ ಬೃಹತ್ ಪರಿಸರ ನಾಶಿ ಯೋಜನೆಗಳನ್ನು ಕೈ ಬಿಡಬೇಕೆಂದು ಒತ್ತಾಯಿಸಲಾಗಿದೆ.

೧೭) ಜೀವವೈವಿಧ್ಯ ಮಂಡಳಿ ಮಾಜಿ ಅಧ್ಯಕ್ಷ ಅನಂತಹೆಗಡೆ ಆಶೀಸರ, ಖ್ಯಾತ ಪರಿಸರ ವಿಜ್ಞಾನಿಗಳಾದ ಡಾ| ಟಿ.ವಿ ರಾಮಚಂದ್ರ, ಡಾ| ಸುಭಾಸ್ ಚಂದ್ರನ್, ಡಾ: ಬಿ.ಎಂ ಕುಮಾರ ಸ್ವಾಮಿ ಡಾ| ಬಾಲಚಂದ್ರ ಸಾಯಿಮನೆ ಡಾ| ವಿ.ಎನ್ ನಾಯ್ಕ, ಮುಂತಾದವರು ಸರ್ಕಾರದ ಮುಂದೆ ಈ ಮೇಲಿನ ಹಲವು ಗಂಭೀರ ವಿಷಯಗಳನ್ನು ಮಂಡಿಸಿದ್ದಾರೆ.