ಜಾಗತಿಕ ರೊಬೊಟಿಕ್ಸ್ ವೇದಿಕೆಯಲ್ಲಿ ಭಾರತವನ್ನು ಪ್ರತಿನಿಧಿಸಲಿರುವ ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳು

ಬೆಂಗಳೂರಿನಿಂದ ಪನಾಮಾವರೆಗೆ: ಜಾಗತಿಕ ರೊಬೊಟಿಕ್ಸ್ ವೇದಿಕೆಯಲ್ಲಿ ಐವರು ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳು ಭಾರತವನ್ನು ಪ್ರತಿನಿಧಿಸಲು ಕಳುಹಿಸಿದ ಸ್ಟೆಮ್ ಎಜುಕೇಷನ್ ಟ್ರಸ್ಟ್ ರೆವಾ ಯೂನಿವರ್ಸಿಟಿಯಿಂದ ಆವಿಷ್ಕಾರ ಮತ್ತು ಭವಿಷ್ಯದ ತಂತ್ರಜ್ಞಾನ ಚಿಂತಕರನ್ನು ಸಂಭ್ರಮಿಸುವ ಕಾರ್ಯಕ್ರಮ ಆಯೋಜನೆ

aaptanews@2025

Oct 26, 2025 - 16:24

0 2

ಜಾಗತಿಕ ರೊಬೊಟಿಕ್ಸ್ ವೇದಿಕೆಯಲ್ಲಿ ಭಾರತವನ್ನು ಪ್ರತಿನಿಧಿಸಲಿರುವ ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳು

ಆಪ್ತ ನ್ಯೂಸ್ ಬೆಂಗಳೂರು:

ಸರ್ಕಾರಿ ಶಾಲೆಗಳ ಐದು ಮಂದಿ ವಿದ್ಯಾರ್ಥಿಗಳು ಭಾರತವನ್ನು ರೊಬೊಟಿಕ್ಸ್ ಒಲಂಪಿಕ್ಸ್ ಎಂದು ಖ್ಯಾತಿ ಪಡೆದಿರುವ ಫರ್ಸ್ಟ್ ಗ್ಲೋಬಲ್ ಚಾಲೆಂಜ್ 2025ರಲ್ಲಿ ಭಾರತವನ್ನು ಪ್ರತಿನಿಧಿಸಲು ಆಯ್ಕೆಯಾಗಿರುವುದು ಭಾರತಕ್ಕೆ ಹೆಮ್ಮೆಯ ಕ್ಷಣವಾಗಿದೆ. ಈ ಕಾರ್ಯಕ್ರಮವು ಅಕ್ಟೋಬರ್ 29ರಿಂದ ನವೆಂಬರ್ 1, 2025ರಂದು ನಡೆಯಲಿದೆ.

ಈ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗಿದ್ದು ಇದರಲ್ಲಿ ವಿದ್ಯಾರ್ಥಿಗಳು ಅವರ ಹಲವಾರು ತಿಂಗಳಿಂದ ಕೆಲಸ ಮಾಡುತ್ತಿರುವ ಸಮಸ್ಯೆಯ ಹೇಳಿಕೆ ಮತ್ತು ಅದರ ಪರಿಹಾರವನ್ನು ವಿವರಿಸಿದರು ಮತ್ತು ಅವರ ರೊಬೊದ ಪ್ರಾತ್ಯಕ್ಷಿಕೆ ನೀಡಿದರು.

ಈ ವರ್ಷದ ವಸ್ತು, “ಇಕೊ ಈಕ್ವಿಲಿಬ್ರಿಯಂ” ಅಡಿಯಲ್ಲಿ ತಯಾರಾದ ಈ ರೊಬೊ ಆವಾಸಸ್ಥಾನಗಳ ರಕ್ಷಣೆ ಮತ್ತು ಜೀವ ವೈವಿಧ್ಯತೆಯ ಸಂರಕ್ಷೆಯನ್ನು ಉತ್ತೇಜಿಸುವ ಪ್ರಾಯೋಗಿಕ ಪಾರಿಸರಿಕ ಸಮಸ್ಯೆಗಳನ್ನು ನಿವಾರಿಸುವ ಉದ್ದೇಶ ಹೊಂದಿದೆ.

ಇಂಡಿಯಾ ಕೋಷೆಂಟ್ ನ ಜನರಲ್ ಪಾರ್ಟ್ನರ್ ಮತ್ತು ಸ್ಟೆಮ್ ಎಜುಕೇಷನ್ ಟ್ರಸ್ಟ್ ಸಹ-ಸಂಸ್ಥಾಪಕ ಗಗನ್ ಗೋಯಲ್ ಅವರ ನಿರ್ದೇಶನದಲ್ಲಿ ರೂಪಿಸಲಾದ ಈ ಯೋಜನೆ ಕುರಿತು ಅವರು, “ಈ ಮಕ್ಕಳು ಹಲವು ತಿಂಗಳಿಂದ ತಡೆರಹಿತವಾಗಿ ಕೆಲಸ ಮಾಡುತ್ತಿದ್ದಾರೆ. ಅವರು ಸೀಮಿತ ಸಂಪನ್ಮೂಲಗಳ ಮತ್ತು ಮಿತಿಯಿರದ ಆಕಾಂಕ್ಷೆಗಳನ್ನು ಹೊಂದಿದ ಕುಟುಂಬಗಳಿಂದ ಬಂದವರು. ಅವರ ಸಾಧನೆ ಮಹತ್ತರವಾದುದು. ಈ ಉಪಕ್ರಮವು ಹೆಚ್ಚು ಸರ್ಕಾರಿ ಶಾಲಾ ಮಕ್ಕಳಿಗೆ ಕನಸು ಕಾಣಲು, ಹೊಸದನ್ನು ನಿರ್ಮಿಸಲು ಹಾಗೂ ನೇತೃತ್ವ ವಹಿಸಲು ನೆರವಾಗುತ್ತದೆ ಎಂಬ ಭರವಸೆ ಹೊಂದಿದ್ದೇವೆ. ಇದು ಪ್ರತಿಯೊಬ್ಬರೂ ವೃತ್ತಿಪರ ಚೇಂಜ್ ಮೇಕರ್ ಆಗುವ ಕ್ರೀಡೆಯಾಗಿದೆ” ಎಂದರು.

ಆಯ್ಕೆಯಾಗಿರುವ ವಿದ್ಯಾರ್ಥಿಗಳು:

• ನಿಂಗರಾಜ್ (16)- ಮೆಕ್ಯಾನಿಕಲ್ ಲೀಡ್, ಯಂತ್ರಗಳಿಂದ ಸ್ಫೂರ್ತಿ

• ಪರಶುರಾಮ್ (17)- ಐಒಟಿ ಉತ್ಸಾಹಿ ಮತ್ತು ತಾಳ್ಮೆಯಿಂದ ಸಮಸ್ಯೆ ಪರಿಹರಿಸುವವರು

• ಅರ್ಜುನ್ (17)- ಅನ್ವೇಷಕನಾದ ಕ್ರೀಡಾಪಟು, ಶಿಸ್ತು ಮತ್ತು ತಂಡದ ಕೆಲಸಕ್ಕೆ ಖ್ಯಾತಿ

• ಗೌರೇಶ್ (15)- ಪ್ರತಿ ಬಿಡಿಭಾಗವೂ ಸರಿಯಾಗಿ ಚಲಿಸುತ್ತದೆ ಎಂದು ಖಚಿತಪಡಿಸಿಕೊಳ್ಳುವ ಲೀಡ್ ಪ್ರೋಗ್ರಾಮರ್

• ಚಂದನ್ (14) – ಕಿರಿಯ, ಸ್ವಯಂ-ಬೋಧನೆ ಪಡೆದ ಎಲೆಕ್ಟ್ರಾನಿಕ್ಸ್ ಪ್ರತಿಭೆ

ಒಟ್ಟಿಗೆ ಅವರು ಭಾರತದ ಸಾಮರ್ಥ್ಯ ತೋರುವ ಸ್ಥಳೀಯ ರೊಬೊ ನಿರ್ಮಿಸಿದ್ದಾರೆ. ಅಟಲ್ ಟಿಂಕರಿಂಗ್ ಲ್ಯಾಬ್ಸ್ ಮತ್ತು ಅಮೆಜಾನ್ ಫ್ಯೂಚರ್ ಎಂಜಿನಿಯರ್ (ಎಎಫ್ಇ) ಮಾರ್ಕೆಟ್ ಪ್ಲೇಸ್ ಲ್ಯಾಬ್ಸ್ ಹಾಗೂ ಸ್ಟೆಮ್ ಎಜುಕೇಷನ್ ಟ್ರಸ್ಟ್ ನೆರವಾಗಿವೆ.