ಜೋಡುಕೆರೆಯಲ್ಲಿ ಕಾಣಿಸಿಕೊಂಡ ಒಂಟಿ ಮೊಸಳೆ
ಆಪ್ತ ನ್ಯೂಸ್‌ ಯಲ್ಲಾಪುರ:
ಪಟ್ಟಣದ ಜೋಡಕೆರೆಯಲ್ಲಿ ಮೊಸಳೆಯೊಂದು ಗೋಚರಿಸಿದೆ. ಇದುವರೆಗೆ ಕಾಣಿಸಿಕೊಳ್ಳದ ಮೊಸಳೆ ಕಾಣಿಸಿಕೊಂಡು ಈಗ ಎಲ್ಲರೂ ಆತಂಕಕ್ಕೀಡಾಗುವಂತೆ ಮಾಡಿದೆ.
ಈ ಜೋಡಕೆರೆಯ ತಟದಲ್ಲಿ ಮೀನುಗಾರಿಕಾ ಕಛೇರಿ ಇದೆ, ಮಾರುತಿ ಗುಡಿ ಇದೆ. ಹಲವು ಸಂದರ್ಭದಲ್ಲಿ ಕೆರೆಯ ನೀರಿನಂಚಿಗೆ ಜನ ಹೋಗುತ್ತಾರೆ. ಈ ಹಿಂದೆ ವಾಹನ ತೊಳೆಯಲಾಗುತ್ತಿತ್ತು. ಅಯ್ಯಪ್ಪ ಸನ್ನಿದಾನದವರು ಇದೇ ತಟದಲ್ಲಿ ಸ್ನಾನ ಮಾಡುತ್ತಿದ್ದರು. ಕೆಲವರು‌ಮೀನು ಹಿಡಿಯುತ್ತಿದ್ದರು. ಆದರೆ ಈ ಮೊಸಳೆ ಕಂಡ ಬಳಿಕ ಇವರೆಲ್ಲರಲ್ಲಿ ಆತಂಕ ಮನೆಮಾಡಿತು. ಮೊಸಳೆಯನ್ನು ಈ ಕೆರೆಯಿಂದ ಬೇರೆಡೆಗೆ ಎತ್ತಂಗಡಿ ಮಾಡುವಂತೆ ಆಗ್ರಹಿಸಿದ್ದಾರೆ.
ಮೊಸಳೆ ನೋಡುವುದಕ್ಕೂ ಜನ ದೌಡಾಯಿಸಿದ್ದರು. ಭಾರೀ ಗಾತ್ರದ ಮೊಸಳೆ ಕಂಡಿದ್ದು ಇನ್ನು ಜೋಡಕೆರೆ ಸುತ್ತ ಸುಳಿಯುವವರೊಗೆ ಎಚ್ಚರಿಕೆ ಗಂಟೆಯಾಗಿದೆ. ಮೊಸಳೆ ಇರುವ ಬಗ್ಗೆ ಸಂಬಂಧ ಪಟ್ಟವರು ಫಲಕ ಹಾಕಬೇಕಿದೆ. ಇಲ್ಲವೆ ಯಾರೋ ಗೊತ್ತಿಲ್ಲದವರು ಅಪಾಯಕ್ಕೆ ಸಿಲುಕಬಹುದಾಗಿದೆ. ಇಲ್ಲವೇ ಕೆರೆಗೆ ಪ್ರವೇಶ ನಿರ್ಭಂದಿಸಿ ಬೇಲಿ ನಿರ್ಮಿಸಬೇಕಿದೆ.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
