ಸರ್ಕಾರಕ್ಕೆ ಹಿಡಿಶಾಪ ಹಾಕುತ್ತ ರಸ್ತೆಯನ್ನು ಸ್ವಂತ ಖರ್ಚಿನಲ್ಲಿ ಸರಿಪಡಿಸಿಕೊಂಡ ಗ್ರಾಮಸ್ಥರು

Nov 26, 2025 - 16:12
 0  133
ಸರ್ಕಾರಕ್ಕೆ ಹಿಡಿಶಾಪ ಹಾಕುತ್ತ ರಸ್ತೆಯನ್ನು ಸ್ವಂತ ಖರ್ಚಿನಲ್ಲಿ ಸರಿಪಡಿಸಿಕೊಂಡ ಗ್ರಾಮಸ್ಥರು

ಆಪ್ತ ನ್ಯೂಸ್‌ ಶಿರಸಿ:

ರಸ್ತೆ ದುರಸ್ತಿ ಮಾಡಿಕೊಡಿ ಎಂದು ಗ್ರಾಮ ಪಂಚಾಯತಿಗೆ ಮನವಿ ಮಾಡಿಕೊಂಡು ಬೇಸತ್ತ ಸಿದ್ದಾಪುರ ತಾಲೂಕಿನ ಹಸರಗೋಡ ಪಂಚಾಯತಿ ವ್ಯಾಪ್ತಿಯ ದಂಟಕಲ್-ಹೊಸ್ಮನೆ ಗ್ರಾಮಸ್ಥರು, ತಮ್ಮದೇ ಸ್ವಂತ ಖರ್ಚಿನಲ್ಲಿ ತಮ್ಮೂರ ರಸ್ತೆಯನ್ನು ದುರಸ್ತಿ ಮಾಡಿಕೊಂಡಿದ್ದಾರೆ.
ಕಾನೂಸೂರು ಗ್ರಾಮ ಪಂಚಾಯತಿಯ ಅಡ್ಕಳ್ಳಿ-ದಂಟಕಲ್‌-ಹೊಸ್ಮನೆ-ಕುಚಗುಂಡಿ-ಕೋಡ್ಸರ ಕೂಡು ರಸ್ತೆಯು ಹಲವು ಗ್ರಾಮಗಳ ನಾಗರಿಕರಿಗೆ ಸಂಪರ್ಕ ಸೇತುವೆ. ಈ ರಸ್ತೆಯಲ್ಲಿ ಅಡ್ಕಳ್ಳಿಯಿಂದ ದಂಟಕಲ್‌ ತನಕ ಡಾಂಬರು ರಸ್ತೆಯಿದೆ. ಅದೇರೀತಿ ಕೋಡ್ಸರದಿಂದ ಕುಚಗುಂಡಿ ತನಕ ಡಾಂಬರ್‌ ಹಾಕಲಾಗಿದೆ. ಅದರ ನಡುವಿನ ರಸ್ತೆ ಕಚ್ಚಾ ರಸ್ತೆಯಾಗಿದ್ದು ತೀರಾ ಹಾಳಾಗಿದೆ. ಕಳೆದ ಮಳೆಗಾಲದ ಸಂದರ್ಭದಲ್ಲಂತೂ ರಸ್ತೆಯಲ್ಲಿ ಭಾರಿ ಗಾತ್ರದ ಹೊಂಡಗಳು ಬಿದ್ದು ಸಂಚಾರಕ್ಕೆ ತೀವ್ರ ಅಡಚಣೆಯಾಗುತ್ತಿತ್ತು.
ದಿನಂಪ್ರತಿ ನೂರಾರು ಜನರು ಓಡಾಡುವ ಈ ರಸ್ತೆಯಲ್ಲಿ ಒಂದೆರಡು ಸಾರಿ ವಾಹನ ಸವಾರರು ಉರುಳಿಬಿದ್ದ ನಿದರ್ಶನಗಳೂ ಇದ್ದವು. ರಸ್ತೆಯನ್ನು ಸರಿಪಡಿಸಿಕೊಡಬೇಕೆಂದು ಸ್ಥಳೀಯರು ಹಸರಗೋಡ ಗ್ರಾಮಪಂಚಾಯತಕ್ಕೆ ಹಾಗೂ ಸಂಬಂಧಪಟ್ಟ ಅಧಿಕಾರಿಗಳಿಗೆ ಪದೇ ಪದೆ ಹೇಳುತ್ತಿದ್ದರೂ, ಯಾವುದೇ ಉಪಯೋಗ ಆಗಿರಲಿಲ್ಲ. ಕೊನೆಗೆ ದಂಟಕಲ್-ಹೊಸ್ಮನೆ ಗ್ರಾಮದ ೯ ಮನೆಗಳವರೇ ಸೇರಿ ಸ್ವಂತ ಖರ್ಚಿನಲ್ಲಿ ರಸ್ತೆ ರಿಪೇರಿ ಮಾಡಿಸಿಕೊಂಡಿದ್ದಾರೆ. ಸ್ಥಳೀಯ ಆಡಳಿತವನ್ನು ನಂಬಿದರೆ ಉಪಯೋಗ ಇಲ್ಲ ಎಂದು ಅರಿತ ನಾಗರಿಕರು ಸುಮಾರು ೧೫ ಸಾವಿರ ರೂಪಾಯಿಗಳನ್ನು ಖರ್ಚು ಮಾಡಿ, ಜೆಸಿಬಿ-ಟ್ರಾಕ್ಟರ್‌ ಮೂಲಕ ರಸ್ತೆ ದುರಸ್ತಿ ಮಾಡಿಸಿಕೊಂಡಿದ್ದಾರೆ.
ಈ ಮೂಲಕ ಸರ್ಕಾರದಿಂದ ಸಹಾಯ-ಸಹಕಾರ ಸಿಗದೇ ಇದ್ದರೂ, ತಾವೇ ಮುಂದಾಗಿ ಮಾದರಿ ರಸ್ತೆ ನಿರ್ಮಾಣ ಮಾಡಿಕೊಳ್ಳಬಹುದು ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.

What's Your Reaction?

Like Like 0
Dislike Dislike 1
Love Love 0
Funny Funny 0
Angry Angry 1
Sad Sad 0
Wow Wow 0