ಬಿಎಸ್ಎನ್ಎಲ್ ಟವರ್ ಬಂದರೂ ಸಿಗದ 4G ಭಾಗ್ಯ: ಸಾರ್ವಜನಿಕರು ಹೈರಾಣು

ಆಪ್ತ ನ್ಯೂಸ್ ಜೋಯಿಡಾ:

ತಾಲೂಕಿನ ಪ್ರಮುಖ ಸ್ಥಳ ಅಣಶಿಯ ಜನತೆಗೆ ಕಳೆದ ಜುಲೈದಲ್ಲೇ ಸಿಗಬೇಕಾದ  ಬಿಎಸ್ಎನ್ಎಲ್ 4G  ಭಾಗ್ಯ ಇದುವರೆಗೂ ಸಿಗದೇ ಇರಲು ಕಾರಣ ಯಾವ ಕಾಣದ ಕೈ ಕೆಲಸ ಮಾಡಿದೆ ಎಂದು ತಿಳಿಯದೆ ಸಾರ್ವಜನಿಕರು ಕೈ ಕೈ ಹಿಸುಕಿ ಕೊಳ್ಳುತ್ತಿ ದ್ದಾರೆ .
ಅಣಶಿಯಲ್ಲಿ ಬಿಎಸ್ಎನ್ಎಲ್ 2G ನೆಟ್ವರ್ಕ್ ಕಳೆದ ಹಲವು ವರ್ಷ ಗಳಿಂದ ಕೆಲಸ ಮಾಡುತ್ತಿದೆ,ಇಲ್ಲಿ 2G ಬದಲಿಗೆ 4G ಬೇಕಾಗಿದೆ ಎಂಬ ಜನರ ಒತ್ತಾಸೆಗೆ ಕೇಂದ್ರ ಸರ್ಕಾರ ಅಣಶಿಯಲ್ಲಿ 4G ನೆಟ್ವರ್ಕ್ ಪ್ರಾರಂಭಿಸಲು ಅನುಮತಿ ನೀಡಿ ಬೇಕಾದ ಸಲಕರಣೆ ಗಳನ್ನೂ ಕಳಿಸಿತು. ಆ ವೇಳೆಯಲ್ಲಿ ತಾಲೂಕಿನ ಹಲವು ಬಾಗಗಳಲ್ಲಿ 4G ನೆಟ್ವರ್ಕ್ ಪ್ರಾರಂಭಿಸಲು ಅನುಮತಿ ನೀಡಿತ್ತು. ಅದರಂತೆ ತಾಲೂಕಿನ ಬೇರೆ ಬೇರೆ  ಬಾಗಗಳ ಟವರ್ ಗಳಲ್ಲಿ 4G ನೆಟ್ವರ್ಕ್ ನ್ನು ಪ್ರಾರಂಬಿಸಲಾಯಿತು. ಆದರೆ ಅಣಶಿಯಲ್ಲಿ ಮಾತ್ರ ಇದುವರೆಗೂ 4G ನೆಟ್ವರ್ಕ್ ನ್ನು ಎಲ್ಲ ಸಲಕರಣೆಗಳಿದ್ದರೂ  ಪ್ರಾರಂಭಿಸದೇ ಇರಲು ಕಾರಣವೇನು ಎಂದು ಸಾರ್ವಜನಿಕರು ಪ್ರಶ್ನೆ ಮಾಡುತ್ತಿದ್ದಾರೆ.
ಅಣಶಿಯಿಂದ ಕಾರವಾರ-ಬೆಳಗಾವಿ-ದಾಂಡೇಲಿ ಮತ್ತು ಅಂಬಿಕಾನಗರಗಳಿಗೆ ಸಂಪರ್ಕ ನೀಡುವ ರಾಜ್ಯ ಮುಖ್ಯ ರಸ್ತೆ ಹಾಯ್ದು ಹೋಗಿದೆ. ಅಣಶಿ ಪ್ರವಾಸಿಗರಿಗೆ ಸಂಪರ್ಕಕ್ಕೆ ಪ್ರಮುಖ ಕೇಂದ್ರ ಕೂಡ  ಹೌದು. ಪ್ರತಿದಿನ ಐದು ನೂರಕ್ಕೂ ಹೆಚ್ಚು ವಾಹನಗಳು ಇಲ್ಲಿಂದ ಸಾಗುತ್ತಿದ್ದು, ಪ್ರವಾಸಿಗರಿಗೆ ನೆಟ್ವರ್ಕ್ ಅವಶ್ಯಕತೆ ತುಂಬಾ ಇದೆ ಅಣಶಿ ಪ್ರವಾಸೋದ್ಯಮದ ಕೇಂದ್ರವೂ ಹೌದು. ಆದರೆ ಇಲ್ಲಿ 4G ನೆಟ್ವರ್ಕ್ ಪ್ರಾರಂಭಿಸದೇ ಇರಲು ಕಾರಣ ಏನು, ಯಾಕೆ ಸುಸಜ್ಜಿತ ಟವರ್ ಇದ್ದರೂ 4G ನೆಟ್ವರ್ಕ್ ನಮಗೆ ಕೊಡುತ್ತಿಲ್ಲ ಎಂದು ಜನತೆ ಪ್ರಶ್ನೆ ಮಾಡಿದ್ದಾರೆ.
ಸರಕಾರದ ಯಾವುದೇ ಕೆಲಸಕ್ಕೆ ಮತ್ತು ಓಟಿಪಿಗಳಿಗೆ ನೆಟ್ವರ್ಕ್ ಬೇಕು ಅದರಲ್ಲೂ ಸಾರ್ವಜನಿಕರು ಈಗ 4G ನೆಟ್ವರ್ಕ್ ಮೊಬೈಲ್ ಗಳನ್ನು ಬಳಸುವುದರಿಂದ 2G ಬಳಕೆ ತುಂಬಾ ಕಡಿಮೆ ಯಾಗಿದ್ದು 2G ಇದ್ದರೂ ಒಂದೆ ಬಿಟ್ಟರೂ ಒಂದೇ ಎಂಬಂತಾಗಿದೆ ಎಂದು ಜನತೆ ಆರೋಪಿಸಿ, ಕೂಡಲೇ 4G ನೆಟ್ವರ್ಕ್ ಪ್ರಾರ್ಬಿಸಲು ಆಗ್ರಹಿಸಿದ್ದಾರೆ.
ಕಳೆದ ಜೂಲೈನಲ್ಲಿಯೇ ಅಣಶಿಗೆ 4G ನೆಟ್ವರ್ಕ್ ಸಲಕರಣೆಗಳು ಬಂದು ಬಿದ್ದಿವೆ, ಕೇವಲ ಒಂದೆರಡು ದಿನಗಳಲ್ಲಿ ಕನೆಕ್ಟ್ ಮಾಡುವ ಕೆಲಸಕ್ಕೆ  ನಾಲ್ಕು ತಿಂಗಳಿಂದ ಕೆಲಸ ಮಾಡದೇ ಇರಲು ಕಾರಣವೇನು ಎಂದು ಭಾರತ ಸಂಚಾರ ನಿಗಮ ತಿಳಿದು ಕೂಡಲೇ ಜನತೆಗೆ 4G ನೆಟ್ವರ್ಕ್ ನೀಡುವ ಮೂಲಕ, ಬಿಲ್ ನೀಡುವ ಕಾಳಜಿಯನ್ನು ಸಂಪರ್ಕ ನೀಡುವಲ್ಲೂ ತೋರಿಸಬೇಕು ಎಂದು ಅಣಶಿ ಜನತೆ ಆಗ್ರಹಿಸಿದ್ದಾರೆ.