ಜನಮನ ಸೂರೆಗೊಂಡ ಸಂಗೀತ ಸಂಭ್ರಮ
ಆಪ್ತ ನ್ಯೂಸ್‌ ಶಿರಸಿ:
ಇತ್ತೀಚೆಗೆ ನಗರದ ಸಾಮ್ರಾಟ್ ಹೋಟೆಲ್ ವಿನಾಯಕ ಹಾಲ್‌ನಲ್ಲಿ ಜರುಗಿದ, ಶಿರಸಿಯಲ್ಲಿ ೧೯೪೭ ರಲ್ಲಿ ಸ್ಥಾಪನೆಯಾದ ಶ್ರೀ ಅರುಣೋದಯ ಕಲಾ ನಿಕೇತನ ಶಾಸ್ತ್ರೀಯ ಸಂಗೀತ ವಿದ್ಯಾಲಯದ ೪೦ ನೇ ವರ್ಷದ “ಸಂಗೀತ ಸಂಭ್ರಮ” ಸಂಗೀತೋತ್ಸವ ನಡೆಯಿತು.
ಉದ್ಘಾಟಿಸಿ ಮಾತನಾಡಿದ ಪ್ರೋ| ಜಿ.ಟಿ.ಭಟ್ಟ ಇವರು ಶಿರಸಿಯಲ್ಲಿ ೪೦ ವರ್ಷಗಳಿಂದ ಸಂಗೀತದ ರಸದೌತಣ ನೀಡುತ್ತಾ ಬಂದಿರುವ ಹಾಗೂ ಸಂಗೀತ ಕಲಾವಿದರಿಗೆ ವೇದಿಕೆಯನ್ನು ಮಾಡಿಕೊಟ್ಟ ಪಂಡಿತ. ಎಸ್ ಯು ಪೋತದಾರ ಇವರ ಸಾಧನೆ ಅಮೋಘವಾದದ್ದು ಎಂದು ಹೇಳಿದರು.
ಮುಖ್ಯ ಅತಿಥಿಗಳಾಗಿ ಆಗಮಿಸಿದ ನಟರಾಜ ನೃತ್ಯ ಶಾಲೆ ಖ್ಯಾತ ಭರತನಾಟ್ಯ ಕಲಾವಿದೆ ವಿದೂಷಿ ಶ್ರೀಮತಿ ಸೀಮಾ ಭಾಗ್ವತ್ ಅವರು, ಯಾವುದೇ ಒತ್ತಡವಿದ್ದರು ಸಂಗೀತ ಹಾಗೂ ನೃತ್ಯ ಕಲಿಕೆಯಿಂದ ಮನಸ್ಸು ಮುದಗೊಳ್ಳುತ್ತದೆ ಎಂದು ಹೇಳಿದರು.
ಪ್ರಾರಂಭದಲ್ಲಿ ವಿದ್ಯಾಲಯದ ವಿದ್ಯಾರ್ಥಿಗಳಾದ ಸಂಜನಾ, ಸಂಧ್ಯಾ, ಮೇಘನಾ ಇವರಿಂದ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಆರಂಭವಾಯಿತು. ಸುವೀರ ಸರ್ವದೆ, ಪ್ರಣವ್ ಭಟ್ಟ, ವೆಂಕಟೇಶ ನಾಯಕ, ಅಮೋಘ ನಾಯ್ಕ, ಅನೀಶ ಭಟ್ಟ ಇವರಿಂದ ತಬಲಾ ಸೋಲೋ ನಡೆಯಿತು. ನಂತರ ಸಂಧ್ಯಾ, ಸಮುಧ್ಯತಾ, ಮನೋಮಯಿ ಇವರಿಂದ ಸಿತಾರ ವಾದನ. ಸಂಜನಾ, ಸುಶ್ಮಾ ಇವರಿಂದ ಸುಗಮ ಸಂಗೀತ. ಕೀರ್ತಿ ಸಹಾಣೆ ಇವರಿಂದ ಬಾಂಸೂರಿ ವಾದನ ಪ್ರಸ್ತುತ ಪಡೆಸಿದರು.
ವಿಶೇಷ ಆಮಂತ್ರಿತರಾಗಿ ಆಗಮಿಸಿದ ಭರತ ಹೆಗಡೆ ಹೆಬ್ಬಲಸು, ರಾಗ ಪೂರಿಯಾ ಧನಾಶ್ರೀ ಹಾಗೂ ಠುಮರಿಯನ್ನು ಖಮಾಜ ರಾಗದಲ್ಲಿ ಸುಶ್ರಾವ್ಯವಾಗಿ ನುಡಿಸಿದರು. ಮನು ಹೆಗಡೆ ಅವರು ರಾಗ ಭಾಗೇಶ್ರೀ, ಭಕ್ತಿ ಗೀತೆ ಹಾಗೂ ಭೈರವಿ ರಾಗವನ್ನು ಸುಮಧುರವಾಗಿ ಆಕರ್ಷಕವಾಗಿ ಪ್ರಸ್ತುತ ಪಡೆಸಿದರು. ಇವರಿಗೆ ತಬಲಾದಲ್ಲಿ ನಿತೀನ್ ಹೆಗಡೆ, ಹಾರ್ಮೋನಿಯಂನಲ್ಲಿ ಭರತ್ ಹೆಗಡೆ ಸಹಕರಿಸಿದರು. ಪ್ರಾರಂಭದಲ್ಲಿ ಶ್ರೀ ಜಗದೀಶ ಭಂಡಾರಿ ಸ್ವಾಗತಿಸಿದರು. ಶ್ರೀಮತಿ ದೀಪಾ ವೈದ್ಯ ಕಾರ್ಯಕ್ರಮದ ನಿರ್ವಹಣೆ ಮಾಡಿದರು. ರವೀಂದ್ರ ಪೋತದಾರ ಅವರು ವಂದನಾರ್ಪಣೆ ಮಾಡಿದರು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಕರ್ನಾಟಕ ಸರ್ಕಾರ ಇವರ ಸಹಕಾರದಿಂದ ಕಾರ್ಯಕ್ರಮ ಯೋಜಿಸಲಾಗಿತ್ತು.
-ವರದಿ
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
