ರಾಜ್ಯ ರಾಜಕೀಯದಲ್ಲಿ ಮಹಾ ಟ್ವಿಸ್ಟ್: ಡಿಕೆಶಿ ಸಂಪುಟದಿಂದ ಔಟ್‌ ಆಗ್ತಾರಾ ಮಂಕಾಳು ವೈದ್ಯ? ಉತ್ತರ ಕನ್ನಡದ ಸಚಿವ ಸ್ಥಾನದ ರೇಸ್‌ನಲ್ಲಿ ಯಾರಿದ್ದಾರೆ?

ಆಪ್ತ ಎಕ್ಸ್‌ಕ್ಲೂಸಿವ್‌

ಆಪ್ತ ನ್ಯೂಸ್ ಬೆಂಗಳೂರು:

 ಸಿದ್ದರಾಮಯ್ಯ ಅವರು ತಮ್ಮ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಇದರ ಬೆನ್ನಲ್ಲೇ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಅವರು ನೂತನ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಲು ಸಕಲ ಸಿದ್ಧತೆಗಳು ನಡೆದಿವೆ. ಈ ಹಿನ್ನೆಲೆಯಲ್ಲಿ ನೂತನ ಸಚಿವ ಸಂಪುಟ ಪುನಾರಚನೆ ಕುರಿತು ಹೈಕಮಾಂಡ್ ಮಟ್ಟದಲ್ಲಿ ಭಾರಿ ಚರ್ಚೆಗಳು ಆರಂಭವಾಗಿವೆ. ಅದರಲ್ಲೂ ಪ್ರಮುಖವಾಗಿ ಉತ್ತರ ಕನ್ನಡ ಜಿಲ್ಲೆಯಿಂದ ಮುಂದಿನ ಸಚಿವರು ಯಾರಾಗಲಿದ್ದಾರೆ ಎನ್ನುವ ಕುತೂಹಲ ಈಗ ಜಿಲ್ಲೆಯಾದ್ಯಂತ ತಾರಕಕ್ಕೇರಿದೆ.

ಈ ನಡುವೆ, 'ಆಪ್ತ ನ್ಯೂಸ್‌'ಗೆ ಅತ್ಯಂತ ನಂಬಿಕಸ್ಥ ಹಾಗೂ ರಾಜ್ಯ ಮಟ್ಟದ ಕಾಂಗ್ರೆಸ್ ಮೂಲಗಳಿಂದ ಒಂದು ಎಕ್ಸ್‌ಕ್ಲೂಸಿವ್ ಮಾಹಿತಿ ಲಭ್ಯವಾಗಿದೆ.

ಹಾಲಿ ಸಚಿವ ಮಂಕಾಳು ವೈದ್ಯರಿಗೆ 'ಕೋಕ್' ಫಿಕ್ಸ್?

ಪ್ರಸ್ತುತ ಸಚಿವರಾಗಿ ಕಾರ್ಯನಿರ್ವಹಿಸುತ್ತಿರುವ ಭಟ್ಕಳ ವಿಧಾನಸಭಾ ಕ್ಷೇತ್ರದ ಶಾಸಕ ಮಂಕಾಳು ವೈದ್ಯ ಅವರಿಗೆ ಈ ಬಾರಿ ನೂತನ ಸಂಪುಟದಲ್ಲಿ ಸ್ಥಾನ ಸಿಗುವುದು ಅನುಮಾನ ಎನ್ನಲಾಗುತ್ತಿದೆ. ಹೊಸದಾಗಿ ರಚನೆಯಾಗಲಿರುವ ಡಿ.ಕೆ. ಶಿವಕುಮಾರ್ ಅವರ ಸಂಪುಟದಿಂದ ಮಂಕಾಳು ವೈದ್ಯ ಅವರನ್ನು ಕೈಬಿಡಲು ಪಕ್ಷದ ಹಿರಿಯ ನಾಯಕರು ಗಂಭೀರ ತೀರ್ಮಾನ ಕೈಗೊಂಡಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ.

'ಆಪ್ತ ನ್ಯೂಸ್' ವಿಶೇಷ ಎಕ್ಸ್‌ಕ್ಲೂಸಿವ್ ಮಾಹಿತಿ:

ಮಂಕಾಳು ವೈದ್ಯ ಅವರಿಗೆ ಸಚಿವ ಸ್ಥಾನ ಕೈತಪ್ಪಲು ಯಾವುದೇ ಬಣ ರಾಜಕೀಯ ಕಾರಣವಲ್ಲ. ಬದಲಿಗೆ ಇಲಾಖಾ ಮಟ್ಟದಲ್ಲಿ ಅವರ 'ಕಳಪೆ ಪ್ರದರ್ಶನ'ವೇ (Poor Performance) ಇದಕ್ಕೆ ಮುಖ್ಯ ಕಾರಣ ಎಂದು ಹೇಳಲಾಗುತ್ತಿದೆ.

ಸ್ಥಾನ ಕಳೆದುಕೊಳ್ಳಲು ಬಣ ರಾಜಕೀಯ ಕಾರಣವಲ್ಲ, 'ಪರ್ಫಾರ್ಮೆನ್ಸ್' ಕೊರತೆ!

ಸಾಮಾನ್ಯವಾಗಿ ಇಂತಹ ರಾಜಕೀಯ ಬದಲಾವಣೆಗಳ ಸಂದರ್ಭದಲ್ಲಿ ಸಿದ್ದರಾಮಯ್ಯ ಅಥವಾ ಡಿ.ಕೆ. ಶಿವಕುಮಾರ್ ಬಣದ ಆಪ್ತರಿಗೆ ಮಣೆ ಹಾಕಲಾಗುತ್ತದೆ. ಆದರೆ, ಮಂಕಾಳು ವೈದ್ಯ ಅವರ ವಿಷಯದಲ್ಲಿ ಈ ಯಾವುದೇ ಬಣದ ಲೆಕ್ಕಾಚಾರಗಳು ಕೆಲಸ ಮಾಡಿಲ್ಲ.

ಕಾಂಗ್ರೆಸ್ ಪಕ್ಷದ ಆಂತರಿಕ ಮೂಲಗಳ ಪ್ರಕಾರ ಸಚಿವರನ್ನು ಕೈಬಿಡಲು ಪ್ರಮುಖ ಕಾರಣಗಳು ಇಲ್ಲಿವೆ:

• ಇಲಾಖಾ ಪ್ರಗತಿಯ ಶೂನ್ಯ ಸಾಧನೆ: ಮಂಕಾಳು ವೈದ್ಯ ಅವರು ಸಚಿವರಾದ ನಂತರ ತಮ್ಮ ಇಲಾಖೆಗೆ ಸಂಬಂಧಿಸಿದಂತೆ ಯಾವುದೇ ಗಮನಾರ್ಹ ಅಥವಾ ಪ್ರಮುಖ ಕಾರ್ಯಗಳನ್ನು ಮಾಡಿಲ್ಲ ಎನ್ನುವುದು ಪಕ್ಷದ ಹಿರಿಯರ ಪ್ರಮುಖ ಆರೋಪವಾಗಿದೆ.

• ಸಿದ್ದರಾಮಯ್ಯ ಅವಧಿಯಲ್ಲೇ ನಿರ್ಧಾರವಾಗಿತ್ತು: ಒಂದು ವೇಳೆ ರಾಜ್ಯದಲ್ಲಿ ನಾಯಕತ್ವ ಬದಲಾವಣೆ ಆಗದೆ, ಸಿದ್ದರಾಮಯ್ಯ ಅವರೇ ಮುಖ್ಯಮಂತ್ರಿಯಾಗಿ ಮುಂದುವರಿದಿದ್ದರೂ ಸಹ, ಮಂಕಾಳು ವೈದ್ಯ ಅವರಿಗೆ ಕೋಕ್ ನೀಡುವುದು ಬಹುತೇಕ ಖಚಿತವಾಗಿತ್ತು. ಅಷ್ಟರ ಮಟ್ಟಿಗೆ ಇಲಾಖೆಯ ಮೇಲಿನ ಅವರ ಹಿಡಿತ ಹಾಗೂ ಕಾರ್ಯವೈಖರಿ ಬಗ್ಗೆ ಹೈಕಮಾಂಡ್‌ಗೆ ತೀವ್ರ ಅಸಮಾಧಾನವಿತ್ತು ಎನ್ನುವ ಮಾತುಗಳು ಕಾಂಗ್ರೆಸ್‌ ಪಡಸಾಲೆಯಲ್ಲಿ ಕೇಳಿಬಂದಿದೆ.

ಉತ್ತರ ಕನ್ನಡದಲ್ಲಿ ಜೋರಾದ ಸಚಿವ ಸ್ಥಾನದ ಚರ್ಚೆ!

ಮಂಕಾಳು ವೈದ್ಯ ಅವರ ಸಚಿವ ಸ್ಥಾನ ಕೈತಪ್ಪುವ ಕುರಿತು ಊಹಾಪೋಹ ಜೋರಾಗುತ್ತಿದ್ದಂತೆಯೇ, ಉತ್ತರ ಕನ್ನಡ ಜಿಲ್ಲೆಯಿಂದ ಮುಂದಿನ ಸಚಿವರು ಯಾರಾಗಲಿದ್ದಾರೆ ಎಂಬ ಚರ್ಚೆ ಈಗ ಜೋರಾಗಿದೆ. ಜಿಲ್ಲೆಯ ಇತರೆ ಹಿರಿಯ ನಾಯಕರು ಹಾಗೂ ಉದಯೋನ್ಮುಖ ಶಾಸಕರು ಸಚಿವ ಸ್ಥಾನಕ್ಕಾಗಿ ಈಗಿನಿಂದಲೇ ಕಸರತ್ತು ಆರಂಭಿಸಿದ್ದಾರೆ.

ಡಿ.ಕೆ. ಶಿವಕುಮಾರ್ ಅವರ ಆಪ್ತ ವಲಯದಲ್ಲಿ ಗುರುತಿಸಿಕೊಂಡಿರುವ ನಾಯಕರಿಗೆ ಈ ಬಾರಿ ಲಕ್ ಕೈಹಿಡಿಯಬಹುದೇ ಅಥವಾ ಸಿದ್ದರಾಮಯ್ಯ ಬಣದ ನಾಯಕರು ಮಂತ್ರಿಗಿರಿ ಗಿಟ್ಟಿಸಿಕೊಳ್ಳಲಿದ್ದಾರೆಯೇ ಎಂಬುದನ್ನು ಕಾದು ನೋಡಬೇಕಿದೆ.

ರಾಜ್ಯ ರಾಜಕೀಯದ ಈ ಕ್ಷಣ ಕ್ಷಣದ ರೋಚಕ ವಿದ್ಯಮಾನಗಳು ಹಾಗೂ ಉತ್ತರ ಕನ್ನಡ ಜಿಲ್ಲೆಯ ಮುಂದಿನ ಸಚಿವರ ಆಯ್ಕೆಯ ಕಂಪ್ಲೀಟ್ ಅಪ್ಡೇಟ್‌ಗಳಿಗಾಗಿ ನೋಡ್ತಾ ಇರಿ 'ಆಪ್ತ ನ್ಯೂಸ್'.