ಶಿರಸಿ ಮಾರಿಕಾಂಬಾ ಜಾತ್ರೆಯಲ್ಲಿ ಕಾಣದ ಶತ್ರು — ಉಗುಳುವಿಕೆ. ಭಕ್ತಿಯ ನಡುವೆ ಮೌನವಾಗಿ ಹರಡುವ ಅಪಾಯ: ಭಾಗ 1

~ಡಾ. ರವಿಕಿರಣ ಪಟವರ್ಧನ

**********************

ಶಿರಸಿ ಮಾರಿಕಾಂಬಾ ದೇವಿಯ ಜಾತ್ರೆ ಸಮೀಪಿಸುತ್ತಿರುವ ಈ ಸಂದರ್ಭದಲ್ಲಿ ಭಕ್ತರ ಸುರಕ್ಷತೆ, ಸಾರ್ವಜನಿಕ ಆರೋಗ್ಯ ಮತ್ತು ಪರಿಸರ ಸಂರಕ್ಷಣೆ ಅತ್ಯಂತ ಮುಖ್ಯ.

ದೇವಿದರ್ಶನಕ್ಕಾಗಿ ಅನೇಕ ಭಕ್ತರು ಬರಿಗಾಲಿನಲ್ಲಿ ಹೋಗುವ ಪದ್ಧತಿಯನ್ನು ಅನುಸರಿಸುತ್ತಾರೆ. ಆದರೆ ಬೆಳಿಗ್ಗೆ ರಸ್ತೆಯಲ್ಲಿ ನೋಡಿದರೆ ಎಲ್ಲೆಂದರಲ್ಲಿ ಉಗುಳಿದ ಗುರುತುಗಳು ಕಾಣುತ್ತವೆ. ಇಂತಹ ಪರಿಸ್ಥಿತಿ ಹಲವು ಸಾಂಕ್ರಾಮಿಕ ರೋಗಗಳಿಗೆ ಕಾರಣವಾಗುವ ಅಪಾಯವಿದೆ.
ಆದ್ದರಿಂದ ಸಾಧ್ಯವಾದಷ್ಟು ಬರಿಗಾಲಿನಲ್ಲಿ ಹೋಗುವುದನ್ನು ತಪ್ಪಿಸುವುದು ಉತ್ತಮ. ಚಪ್ಪಲಿ ಧರಿಸಿ ಹೋಗುವುದರಿಂದ ಆರೋಗ್ಯದ ದೃಷ್ಟಿಯಿಂದ ಸುರಕ್ಷತೆ ಹೆಚ್ಚುತ್ತದೆ.

 ಆದರೆ ಜಾತ್ರೆ ಪೇಟೆಯಲ್ಲಿ ಚಪ್ಪಲಿ ಇಡಲು ಸಮರ್ಪಕ ವ್ಯವಸ್ಥೆ ಇಲ್ಲದಿರುವುದು ಮತ್ತೊಂದು ಸಮಸ್ಯೆಯಾಗಿದೆ.

ಕಳೆದುಹೋದ ಅಥವಾ ಬಿಟ್ಟುಹೋದ ಚಪ್ಪಲಿಗಳು ಶಿರಸಿ ನಗರಸಭೆಗೆ ದೊಡ್ಡ ತಲೆನೋವಾಗುತ್ತಿವೆ. ಹೆಚ್ಚಿನ ಚಪ್ಪಲಿಗಳು ಪ್ಲಾಸ್ಟಿಕ್‌ನಿಂದ ತಯಾರಾಗಿರುವುದರಿಂದ ದಿನದ ಕೊನೆಯಲ್ಲಿ ಟನ್‌ಗಳಷ್ಟು ಕಸ ಸಂಗ್ರಹವಾಗುತ್ತದೆ. ಇದು ನೇರವಾಗಿ ಪರಿಸರ ಮಾಲಿನ್ಯಕ್ಕೆ ಕಾರಣವಾಗುತ್ತದೆ. ಈ ಸವಾಲಿನ ನಡುವೆಯೂ ನಗರವನ್ನು ಸ್ವಚ್ಛವಾಗಿಡಲು ಶಿರಸಿ ನಗರಸಭೆ ಮಾಡುತ್ತಿರುವ ಕೆಲಸ ಅತ್ಯಂತ ಪ್ರಶಂಸನೀಯವಾಗಿದೆ.

ಉಗುಳುವುದರಿಂದ ರೋಗಗಳು ಹೇಗೆ ಹರಡುತ್ತವೆ?

ಉಗುಳುವುದು ಅನೇಕ ಸಾಂಕ್ರಾಮಿಕ ರೋಗಗಳನ್ನು ಹರಡುವ ಪ್ರಮುಖ ಕಾರಣವಾಗಿದ್ದು, ಇದು ಸಾರ್ವಜನಿಕ ಆರೋಗ್ಯಕ್ಕೆ ಗಂಭೀರ ಅಪಾಯವನ್ನುಂಟುಮಾಡುತ್ತದೆ.

ರೋಗ ಹರಡುವ ವಿಧಾನಗಳು
* ನೇರ ಸಂಪರ್ಕ: ಉಗುಳಿದ ಲಾಲಾರಸದೊಂದಿಗೆ ಸಂಪರ್ಕಕ್ಕೆ ಬಂದಾಗ ರೋಗಾಣುಗಳು ಸುಲಭವಾಗಿ ಹರಡುತ್ತವೆ.
* ವಾಯುಮಾರ್ಗದ ಹರಡುವಿಕೆ: ಉಗುಳುವಾಗ ಹೊರಬರುವ ಸೂಕ್ಷ್ಮ ಹನಿಗಳು ಗಾಳಿಯಲ್ಲಿ ತೇಲಿ, ಇತರರು ಉಸಿರಾಡುವಾಗ ದೇಹಕ್ಕೆ ಪ್ರವೇಶಿಸಬಹುದು.
* ಮೇಲ್ಮೈ ಮಾಲಿನ್ಯ: ನೆಲ, ಗೋಡೆ ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಬಿದ್ದ ಲಾಲಾರಸದಿಂದ ರೋಗಾಣುಗಳು ಗಂಟೆಗಳ ಕಾಲ ಅಥವಾ ದಿನಗಳವರೆಗೆ ಜೀವಂತವಾಗಿರಬಹುದು.

ಹರಡುವ ಪ್ರಮುಖ ರೋಗಗಳು
* ಕ್ಷಯರೋಗ (TB)
* ಹೆಪಟೈಟಿಸ್ ವೈರಸ್‌ಗಳು
* ಇನ್ಫ್ಲುಯೆನ್ಝಾ ಮತ್ತು ಸಾಮಾನ್ಯ ಶೀತ
* COVID-19
* ಮೆನಿಂಜೈಟಿಸ್, ನ್ಯುಮೋನಿಯಾ, ಗಂಟಲು ಸೋಂಕುಗಳು, ಮುಂಪ್ಸ್

ಆರೋಗ್ಯದ ಮೇಲೆ ಪರಿಣಾಮ

ಈ ರೋಗಗಳು ಗಂಭೀರ ಅನಾರೋಗ್ಯ, ದೀರ್ಘಕಾಲದ ಅಸ್ವಸ್ಥತೆ ಮತ್ತು ಕೆಲವೊಮ್ಮೆ ಮರಣಕ್ಕೂ ಕಾರಣವಾಗಬಹುದು. ಮಕ್ಕಳು, ವೃದ್ಧರು ಮತ್ತು ದುರ್ಬಲ ರೋಗನಿರೋಧಕ ಶಕ್ತಿ ಹೊಂದಿರುವವರು ಹೆಚ್ಚು ಅಪಾಯಕ್ಕೆ ಒಳಗಾಗುತ್ತಾರೆ.

ತಡೆಗಟ್ಟುವ ಕ್ರಮಗಳು

* ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳಬೇಡಿ
* ಅಗತ್ಯವಿದ್ದರೆ ಟಿಶ್ಯೂ ಅಥವಾ ಕರವಸ್ತ್ರ ಬಳಸಿ
* ಕೈಗಳ ನೈರ್ಮಲ್ಯ ಕಾಪಾಡಿಕೊಳ್ಳಿ
* ಸಾರ್ವಜನಿಕ ಸ್ಥಳಗಳನ್ನು ಸ್ವಚ್ಛವಾಗಿಡಿ
* ಅನಾರೋಗ್ಯದ ವೇಳೆ ಮಾಸ್ಕಧರಿಸಿ

ನಮ್ಮೆಲ್ಲರ ಜವಾಬ್ದಾರಿ

ಭಕ್ತಿಯೂ ಮುಖ್ಯ, ಆರೋಗ್ಯವೂ ಮುಖ್ಯ, ಪರಿಸರವೂ ಮುಖ್ಯ.
ಜಾತ್ರೆಯ ಪಾವಿತ್ರ್ಯ ಕಾಪಾಡುವುದಷ್ಟೇ ಅಲ್ಲ, ನಮ್ಮ ಮತ್ತು ಇತರರ ಸುರಕ್ಷತೆಯನ್ನು ಕಾಪಾಡುವುದೂ ಸಮಾನವಾಗಿ ಅಗತ್ಯ.

ಸ್ವಚ್ಛತೆ ದೇವತ್ವ | ಆರೋಗ್ಯವೇ ಐಶ್ವರ್ಯ | ಪರಿಸರವೇ ಭವಿಷ್ಯ

ಸ್ವಚ್ಛತೆ, ಜವಾಬ್ದಾರಿ ಮತ್ತು ಪರಿಸರ ಜಾಗೃತಿಯಿಂದ ನಾವು ಜಾತ್ರೆಯನ್ನು ಇನ್ನಷ್ಟು ಸುರಕ್ಷಿತ, ಆರೋಗ್ಯಕರ ಮತ್ತು ಮಾದರಿಯಾಗಿಸಬಹುದು.

“ಕೇಂದ್ರ ಸರ್ಕಾರ, ರಾಜ್ಯ ಸರ್ಕಾರ, ಜಿಲ್ಲಾ–ತಾಲೂಕು ಆಡಳಿತ ಅಥವಾ ನಗರಸಭೆ ಇದು ಮಾಡಿಲ್ಲ, ಅದು ಮಾಡಿಲ್ಲ ಎಂದು ಸದಾ ಹೋರಾಟ ನಡೆಸುವವರಿಗೆ — ಶಿರಸಿ ಮಾರಿಕಾಂಬಾ ಜಾತ್ರೆಯಲ್ಲಿ ಒಂದು ಅಪೂರ್ವ ಅವಕಾಶ ಕಾದಿದೆ.ಈವರೆಗೆ ಯಾರೂ ಕೈಗೊಂಡಿರದ ಭಕ್ತರ ಪಾದರಕ್ಷೆ ರಕ್ಷಣೆಯ ಸೇವೆಯಿಂದ ಶಿರಸಿ ಪರಿಸರ ಸಂರಕ್ಷಣೆ ಹಾಗೂ ಉಗುಳದಂತೆ ಮನ ಒಲಿಸುವ ಶ್ರಮಸೇವೆ ಮೂಲಕ ನಿಜವಾದ ಸಾಮಾಜಿಕ ಜವಾಬ್ದಾರಿಯನ್ನು ತೋರಿಸಲು ವಿಪುಲ ಅವಕಾಶ.”